قالتالى قىتايلاردىڭ كوكتە ەركىن سامعاۋىنا زاڭ تىيىم سالدى

استانا. قازاقپارات - داۋلەتتى قىتايلىقتار ءوز ۇشاقتارىمەن ەركىن ۇشا المايدى.

وعان جەرگىلىكتى بيلىكتىڭ قاتاڭ زاڭى كەدەرگى.

ميللياردەرلەردىڭ اۋە كەمەسىنە دەگەن سۇرانىسى ارتقانىمەن، زاڭداعى قايشىلىقتار مويىن بۇرۋعا مۇرشا بەرمەيدى. الەمدە اۋە كەڭىستىگىندە ۇشىپ جۇرگەن جەكەمەنشىك ۇشاقتاردىڭ سانى جىلدان-جىلعا ارتىپ كەلەدى.

قازىر كولىكتىڭ بۇل ءتۇرى تەك ساندىك ءۇشىن عانا ەمەس، باي كاسىپكەرلەر ءۇشىن ۋاقىت ۇنەمدەۋدىڭ امالىنا اينالدى.

وليۆە ۆيللا، Dassault Aviation ازاماتتىق اۆياتسيانىڭ ۆيتسە-پرەزيدەنتى:

- وسىدان بىرنەشە جىل بۇرىن ا ق ش- تا جەكەمەنشىك ۇشاق ساتىپ الۋعا بىرنەشە رەت تىيىم سالىنعان بولاتىن. وعان قاراماستان سۇرانىس ارتىپ وتىردى. سوندىقتان اۋە كولىگىن ساتۋ قايتا باستالدى. سۇرانىس بولعانىمەن، جەكەمەنشىك ۇشاق ساتىلىمى وتكەن جىلدارمەن سالىستىرعاندا بيىل ازايعان. وعان سەبەپ قالتاسى قالىڭ قىتايلىقتار اسپاندا ەمىن-ەركىن ۇشا المايدى.

سەبەبى ايماقتاعى اۋە كەڭىستىگىن اسكەريلەر قاتاڭ باقىلاپ وتىرادى.

سوندىقتان جەكەمەنشىك ۇشاعىڭ بولعانىمەن، ونىمەن كەز كەلگەن ۋاقىتتا ۇشا سالۋعا مۇمكىندىك جوق.

دجەففري لوۋ، اsian sky group باسشىسى:

- وكىنىشكە قاراي، قىتايدا اۋە كەڭىستىگى بارلىعىنا اشىق ەمەس. ءوزىم ساتىپ العان ۇشاقپەن كوممەرتسيالىق ۇشاقتار سياقتى بيىكتىكتە ەركىن ۇشا المايمىن. مىسالى، بەيجىڭگە جەتۋ ءۇشىن سول جاققا باعىت العان ۇشاقتىڭ ارتىنان ەرىپ وتىرۋىم كەرەك. وتە ىڭعايسىز، ادەتتەگى جولاۋشىدان ەش ايىرماشىلىق جوق سياقتى. اسكەريلەر ءتىپتى كوممەرتسيالىق ۇشاقتاردىڭ رەيستەرىن كەيىنگە ءجيى شەگەرىپ وتىرادى. سول سەبەپتى اسپاندا جەكەمەنشىك كولىك جولى اشىلماي، داۋلەتتى ادامدار دا ءوز مۇمكىندىگىن پايدالانىپ ەمىن-ەركىن ۇشا المايدى.

www.24.kz