ۇياتى بار ۇكىمەت باسشىسى وتستاۆكاعا كەتۋ تۋرالى ءوتىنىش ءبىلدىردى

استانا. قازاقپارات - جوعارى لاۋازىمدى شەنەۋنىكتەرگە پارا بەرگەنىن ايتىپ، وزىنە قول جۇمساعان كاسىپكەردىڭ ولىمىنەن كەيىن وڭتۇستىك كورەيا پرەمەر-ءمينيسترى لي ۆان گۋ وتستاۆكاعا كەتۋ تۋرالى ءوتىنىش ءبىلدىردى، دەپ حابارلادى «BBC» اگەنتتى.
None
None

رەنحاپ اگەنتتىگىنىڭ حابارلاۋىنشا، لي ءوتىنىشىن ەل پرەزيدەنتى پاك كىن حە اتىنا جولداعان. الايدا، ۇكىمەت باسشىسىنىڭ وتستاۆكاسى تۋرالى شەشىم قابىلدانعان جوق. لي ۆان گۋ ءوزىنىڭ پارا الماعانىن مالىمدەدى.

پاك وقيعاعا كىنالىلەردى جازالاۋعا ۋادە بەردى. ول بۇعان دەيىن بيلىك ورگاندارىندا سىبايلاس جەمقورلىقپەن كۇرەسەتىنىن ايتقان.

كارىس كاسىپكەرى سۋن ۆان چون تامىز ايىنىڭ باسىندا اسىلىپ ءولدى. وزىنە قول جۇمساردىڭ الدىندا ول ەلدەگى جوعارى بيلىك ورگاندارىنداعى سىبايلاس جەمقورلىق تۋرالى سۇحبات بەرگەن.

كاسىپكەردىڭ قالتاسىنان پرەزيدەنتكە جاقىن بىرنەشە ساياساتكەردىڭ ەسىمى جانە ولاردىڭ سۋننان پارا رەتىندە العان اقشا سومالارى جازىلعان حات تابىلدى.

تىزىمدە 27 مىڭ دوللارعا جۋىق پارا العان پرەمەردىڭ دە ەسىمى بار دەلىنگەن الدىن الا بەلگىلى بولعان اقپاراتتا.

سوڭعى جاڭالىقتار