گيتلەردىڭ تۋعان كۇنىن اتاپ وتپەك بولعاندار ۇستالدى
ولاردان پىشاق، كاستەت جانە تراۆماتيكالىق قارۋ تاركىلەندى، دەپ حابارلادى «BBC» اگەنتتىگى.
ۇستالعانداردىڭ اراسىندا ۇلتشىلدىعىمەن اتى شىققان دميتري دەمۋشكين بار. كلۋبقا كەلۋشىلەردە كەشە، 20 -ساۋىردە تۋعان بولعان ادولف گيتلەردىڭ سۋرەتى الىنعان.
دەمۋشكيننىڭ ءوزى بولسا، تاعى بىرنەشە ونداعان اداممەن بىرگە دۋبروۆكاداعى تەاتر ورتالىعىندا ۇستالعانىن، ءبىراق گيتلەردىڭ تۋعان كۇنىنە ەش قاتىسى جوق ەكەنىن ايتىپ، اقتالدى.
«ءبىز 40 ادامبىز، بارلىعىمىزدى ۇستادى. ەش ايىپ تاققان جوق، بىرنەشە ساعاتتان سوڭ بوساتتى. گيتلەرگە ەشقانداي قاتىسىمىز جوق. ءبىز 17 -مامىردا وتەتىن «پىشاقتاسۋ» ءتۋرنيرىن تالقىلاۋعا جينالعانبىز»، - دەدى دەمۋشكين «ينتەرفاكس» اگەنتتىگىنە.
ونىڭ ايتۋىنشا، ولاردان تاركىلەنگەن سۋىق قارۋدى ۇستاۋعا رۇقسات الىنعان.
- ءۇش تراۆماتيكالىق تاپانشانى ۇستاۋعا دا ليتسەنزيا بار، - دەدى ول.
