قازاقستان اەروۇتقىر اسكەرلەرىندە تۇڭعىش رەت دەسانت بياتلونى وتۋدە - فوتو
قازاقستاندىق دەسانتشىلار اراسىندا مۇنداي جارىس ءبىرىنشى رەت وتكىزىلىپ وتىر.
دەسانت بياتلونىنا قاتىسۋ ءۇشىن 61993, 36323 جانە 18404 اسكەري بولىمدەرىنەن ۇزدىك دەسانتتىق-شابۋىلداۋ ۆزۆودتارى ىرىكتەپ الىندى. بەس كۇندىك جارىستا جەڭىمپاز اتانۋ ءۇشىن توپتار جالپى جاتتىعۋلار كەشەنىن ورىنداۋدا جوعارعى ناتيجەلەر كورسەتۋى قاجەت.
ولار پاراشيۋتتى جيناپ، ارتىنشا سەكىرۋدى ورىنداۋ، باعدارلاۋ جانە اسكەري توپوگرافيا، ءتۇرلى قارۋلاردان اتۋ، جاۋىنگەرلىك دايارلىق، جارتاسقا ورمەلەۋ، تۇنگى ۋاقىتتا بەرىلگەن اۋماقتاردى پاترۋلدەۋ.
جارىس كەزىندە ءار جاۋىنگەر تاپسىرمالاردى ورىنداۋدا بار كۇشىن، شىدامدىلىعىن، توزىمدىلگىن، سونداي-اق بارىنشا كاسىبي شەبەرلىگىن كورسەتە وتىرىپ بارىنشا جيناقى بولۋعا ۇمتىلادى.
جەڭىمپازداردى الدا باعالى سىيلىقتار كۇتىپ تۇر. ەڭ ۇزدىك كوماندا قازاقستان اەروۇتقىر اسكەرلەرىنىڭ جاۋىنگەرلىك ازىرلىگى مەن دايارلىعى ۇزدىك ۆزۆودى دەگەن اتاققا يە بولىپ قانا قويماي، سونىمەن بىرگە وسى جازدا وتەتىن حالىقارالىق دەسانت بياتلونى بويىنشا سايىسقا قازاقستان ارمياسى قۇراماسىنىڭ قاتارىندا قاتىسۋعا جولداما الىپ، ەل نامىسىن قورعايتىن بولادى.
Baq.kz
