دەپۋتات قازاقستانداعى «ەڭ قولجەتىمدى مينيسترمەن» تەلەفون ارقىلى سويلەسە الماي ءجۇر

استانا. قازاقپارات - پارلامەنت ءماجىلىسىنىڭ دەپۋتاتى مۇحتار تىنەكەيەۆ كوپ ۋاقىت بويى ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆاعا تەلەفون سوقسا دا، سويلەسە الماي جۇرگەنىن ايتتى.

سونىسىمەن ول بۇعان دەيىن مينيسترگە تومەنگى پالاتانىڭ سپيكەرى بەرگەن «قولجەتىمدى مينيستر» اتاعىنا كۇمان كەلتىردى، - دەپ حابارلايدى Tengrinews.kz ءتىلشىسى.

«ءبىزدىڭ ەڭ قولجەتىمدى مينيستر جاقشا ىشىندە، سپيكەردىڭ ايتۋىنشا - «ەڭ قولجەتىمدى». وسى وتىرىستاردان كەيىن مەن ءسىزدىڭ قولجەتىمدى مينيسترىڭىزگە تەلەفون سوعىپ، الا الماي ءجۇرمىن. نەلىكتەن ەڭبەك ءوتىلىنىڭ 1998 -جىلدىڭ 1 -قاڭتارىنان باستاپ ەسەپتەلەتىنىنە جاۋاپ الا المادىم»، - دەدى دەپۋتات ءماجىلىس كوميتەتىنىڭ وتىرىسىندا.

بۇل وتىرىستا زەينەتپەن قامتاماسىز ەتۋ ماسەلەلەرى بويىنشا زاڭناماعا تۇزەتۋلەر جوباسى تانىستىرىلعان بولاتىن.

وسىعان دەيىن Tengrinews.kz ءتىلشىسى ۇكىمەت وكىلدەرىنە پارلامەنتاريدىڭ قالاي باعا بەرەتىنى جايلى ايتقان بولاتىن. اقپان ايىندا پارلامەنت ءماجىلىسى قابيبوللا جاقىپوۆ ءماجىلىس وتىرىسى كەزىندە ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا جايلى مالىمدەمە جاساپ، ونىڭ ەر ارىپتەستەرىنە قاراعاندا جاقسىراق جۇمىس ىستەيتىنىن ايتقان ەدى.

«مەنىڭ بىلۋىمشە، ول قولجەتىمدى مينيستر. جالپى، بۇل مينيسترلىك - جارادى. سىزگە كوپ راحمەت. ۋادە بەرەتىن ەر-مينيسترلەرگە قاراعاندا سىزدەر زور جەتىستىكتەرگە جەتتىڭىزدەر. ال مىنا مينيسترلىك كوپ ەڭبەكتەنىپ جاتىر. بارلىعىن اتقارا الماعان شىعار، سەبەبى مۇندا كوپ، اۋقىمدى، مۇندا دەنساۋلىق ساقتاۋ دا جانە الەۋمەتتىك تە (ماسەلەلەر - اۆت.)»، - دەدى جاقىپوۆ.

شامامەن سول ايدا «حالىق كوممۋنيستەرى» فراكسياسىنىڭ كوشباسشىسى ينۆەستيتسيا جانە دامۋ ۆيتسە- ءمينيسترى البەرت راۋعا «ەكىلىك» قويعان بولاتىن. ال وعان دەيىن ماجىلىسمەندەر ەنەرگەتيكا مينيسترىنە «قاناعاتتاندىرمايتىن» باعا قويعان ەدى.