قازاقستاندا جالدامالى باسپاناعا ءوتىنىم قابىلداۋ كۇنى بەلگىلى بولدى
ەسكە سالا كەتەيىك، جالدامالى پاتەر الۋعا ءوتىنىم قابىلدايتىن سايتقا بىرنەشە رەت حاكەرلىك شابۋىل جاسالىپ، وتىنىمدەر جويىلعان بولاتىن.
ەندى وتىنىمدەر استانا ۋاقىتى بويىنشا 18 -مامىر كۇنى ساعات 10.00 دەن 2 -ماۋسىم ساعات 10.00 گە دەيىن قابىلدانادى.
باسپا ءسوز قىزمەتىندەگىلەردىڭ حابارلاۋىنشا، پاتەرلەردىڭ ءار شارشى مەترىنىڭ قۇنى 1611 تەڭگە بولادى. پاتەرلەردىڭ جالپى سانى - 749. «بۇل كەزەڭدە باسپاناسى بار-جوعىنا قاراماستان، قازاقستاننىڭ كەز كەلگەن ازاماتى قاتىسا الادى. پاتەر الۋعا وتىنىمدەر ۆەب-سايت ارقىلى قابىلدانادى: www.fnsk.kz. پاتەر العىسى كەلەتىن بارلىق تۇلعالار www.fnsk.kz سايتىندا تىركەلۋى ءتيىس. ونى ءوتىنىم قابىلداماي تۇرىپ جاساۋ ۇسىنىلادى»، - دەپ حابارلادى جىلجىمايتىن مۇلىك قورىنىڭ باسپا ءسوز قىزمەتىندەگىلەر.
سونىمەن قاتار، اقتوبەدەگى جالدامالى پاتەرلەردى تاراتۋ مەرزىمى حابارلاندى. ساتىپ الۋ قۇقىعىمەن بەرىلەتىن پاتەرلەردىڭ اي سايىنعى تولەم مولشەرى ءار شارشى مەترىنە - 1289 تەڭگە. جالعا بەرىلەتىن پاتەرلەردى الۋ وتىنىمدەرى قوردىڭ سايتى ارقىلى 13 -مامىردان 28 ىنە دەيىن قابىلدانادى.
ەسكە سالا كەتەيىك، بۇعان دەيىن جالدامالى باسپانا الۋعا ءوتىنىم قابىلدايتىن جۇيەنىڭ ىستەن شىعىپ، وتىنىمدەردىڭ جويىلعانى حابارلانعان بولاتىن. بۇل ساتىپ الۋشىلاردىڭ نارازىلىعىن تۋعىزدى. كەيىن باسپا ءسوز قىزمەتىندەگىلەر حاكەرلىك شابۋىلدىڭ جاسالعانىن ايتتى.
