07:56, 21 - ءساۋىر 2015 | GMT +5
ەسەك ەتىن ساۋدالاعان كاسىپكەر سوتتالاتىن بولدى
بىشكەك. قازاقپارات - تالايدىڭ اشۋ-ىزاسىن تۋدىرعان اتىشۋلى قىرعىز كاسىپكەرى ەسەك ەتىن دايىنداپ، ۇلكەن كولەمدە ساۋدالاعانى ءۇشىن سوت الدىندا جاۋاپ بەرەتىن بولدى، دەپ حابارلايدى قازاقپارات ح ا ا ءتىلشىسى.
وعان زاڭسىز كاسىپكەرلىكپەن اينالىستى دەگەن ايىپ تاعىلىپ وتىر.
««كاي- تال» جاۋاپكەرشىلىگى شەكتەۋلى قوعامداستىعىنىڭ (ج ش ق) ديرەكتورى الماز تاقىرباشەۆقا قارسى ناۋرىز ايىندا زاڭسىز كاسىپكەرلىكپەن اينالىسۋ فاكتىسى بويىنشا قىلمىستىق ءىس قوزعالعان بولاتىن. 17 -ءساۋىر كۇنى زەرتتەۋ اياقتالدى. قازىرگى تاڭدا ءىس سوتقا جولداندى»، دەلىنگەن ەكونوميكالىق قىلمىسقا قارسى مەملەكەتتىك قىزمەتتىڭ باسپا ءسوز قىزمەتى جولداعان مالىمدەمەدە.
