پارا الۋدان باس تارتقان پوليتسيا قىزمەتكەرى ماراپاتتالماق - ب ق و

ب ق و ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، 19- ساۋىرگە قاراعان ءتۇنى بورلىلىك پوليتسەيلەر اقساي قالاسىندا 49 جاسار تۇرعىن ايداپ كەلە جاتقان«Volkswagen Passat» اۆتوكولىگىن توقتاتقان كەزدە ونىڭ جۇك سالعىشىنان ۇرمەلى قايىق، ەكى اۋ جانە ءۇش قاپقا سالىنعان بالىق تابىلادى.
وسى فاكتى (بالىقتى زاڭسىز اۋلاۋ) بويىنشا ق ر ق ك 335-بابى 1-بولىگىنە سايكەس ماتەريال جيناقتالادى. ماتەريالدى راسىمدەۋ بارىسىندا اتالعان ەر ادام پوليتسيا كاپيتانى ە. كارەنوۆكە 40 مىڭ تەڭگە زاڭسىز سىياقى ۇسىنادى. بۇل جونىندە پوليتسيا قىزمەتكەرى باسشىسىنا حابارلايدى. ءبورلى اۋداندىق ىشكى ىستەر ءبولىمى مەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل جونىندەگى اۋدانارالىق باسقارما قىزمەتكەرلەرى ا. دەگەن ازاماتتى پارا بەرىپ جاتقان كەزىندە قولعا ءتۇسىردى. ماتەريال اتالمىش باسقارماعا بەرىلىپ، قارالۋ ۇستىندە.
اۆتور: ەلجان ەرالى