جەتىسۋ فۋتبول كلۋبىنىڭ باپكەرى ءوز قىزمەتىنەن كەتتى

استانا. قازاقپارات - تالدىقورعاندىق «جەتىسۋ» فۋتبول كلۋبىنىڭ جاتتىقتىرۋشى قىزمەتىن اتقارعان اسقار قوجابەرگەنوۆ ءوز ەركىمەن وتستاۆكاعا كەتتى، دەپ حابارلايدى alaman.kz.

ماۋسىمدى ءساتسىز باستاعان «جەتىسۋ» ءوز ويىندارىندا مۇلدەم تابىسقا جەتە المادى.

سەگىز ويىندا ءۇش رەت تەڭ ءتۇسىپ، ءقازىر تۋرنير كەستەسىنىڭ سوڭىندا تۇر.

سوڭعى وتكەن 8-تۋرىندا «جەتىسۋ» سىرت الاڭدا «اقتوبەگە» ۇتىلىپ قالعان. ال بۇگىن، 20 -ساۋىردە اسقار قوجابەرگەنوۆ مىرزا ءوز ەركىمەن وتستاۆكاعا كەتەتىنى جونىندە ءمالىم ەتتى. قازىرگى ۋاقىتتا «جەتىسۋدىڭ» ۋاقىتشا جاتتىقتىرۋشىسى بولىپ يۆان ازوۆسكي تاعايىندالدى.

ەستەرىڭىزگە سالا كەتەيىك، بۇل بيىلعى ماۋسىمداعى پرەمەر-ليگا كوماندالارى اراسىنداعى ەكىنشى وتستاۆكا. وسىعان دەيىن قوستانايلىق «توبىل» قۇراماسىنىڭ جاتتىقتىرۋشىسى قىزمەتىنەن كەتكەن ەدى.