بۇگىن قازاقتىڭ قاھارمان قىزىنىڭ دۇنيەگە كەلگەن كۇنى
ءاليا اقتوبە وبلىسىنىڭ قوبدا اۋدانىندا تۋعان. رەسەيدىڭ رىبينسك اۆيا تەحنيكۋمىن بىتىرگەن. اناسى مارجان قايتىس بولعاننان كەيىن ناعاشىسى اۋباكىر مولداعۇلوۆتىڭ قولىندا تاربيەلەنىپ، سانكت-پەتەربورداعى 9№ مەكتەپتە ءبىلىم الدى.
1942-جىلى ءوز ەركىمەن قىزىل ارميا قاتارىنا الىنىپ، مەرگەندەر مەكتەبىن ۇزدىك ءبىتىردى. 1943-جىلدىڭ تامىزىنان 2- پريبالتيكا مايدانىندا 26- اتقىشتار ديۆيزياسىنىڭ قۇرامىندا ۇرىسقا قاتىستى. ەفرەيتور ءا. مولداعۇلوۆا اسقان مەرگەندىگىمەن كوزگە ءتۇستى. نوۆوسوكولنيكي تەمىر جول ستانسىسىنىڭ ماڭىندا بولعان ۇرىستا ءاليا جاۋىنگەرلەردى شەشۋشى شايقاسقا باستاپ، قاھارماندىقپەن قازا تاپتى.
قازاقتىڭ باتىر قىزى تۋرالى كىتاپتار جازىلدى، كينو فيلم ءتۇسىرىلدى، ءان شىعارىلدى. اقتوبەدە مەموريالدىق مۋزەي اشىلعان، ۇلكەن داڭعىلعا ءا. مولداعۇلوۆا ەسىمى بەرىلگەن. رەسەيدىڭ سانكت-پەتەربور جانە ماسكەۋ قالالارىنداعى جانە كوپتەگەن وبلىستارىنداعى ونداعان مەكتەپتەر، كوشەلەر ءا. مولداعۇلوۆا ەسىمىمەن اتالادى. نوۆوسوكولنيكي، الماتى، شىمكەنت، قىزىلوردا، اقتوبە قالالارىندا جانە تۋعان اۋىلىندا ەسكەرتكىش ورناتىلعان.
baq.kz
