12:37, 20 - ءساۋىر 2015 | GMT +5
ق ر پرەزيدەنتى: قازاقستاندا ورتاشا ءومىر ءسۇرۋ جاسى ۇزاردى
قاسكەلەڭ. قازاقپارات - قازاقستاندا ورتاشا ءومىر ءسۇرۋ 71 جاسقا دەيىن ۇزاردى. بۇل تۋرالى ەلباسى نۇرسۇلتان نازاربايەۆ الماتى وبلىسىنداعى جۇمىس ساپارى بارىسىندا «اۋىلىم- التىن بەسىگىم» فورۋمىندا ءمالىم ەتتى.
«ءبىز قازاقستاندا بۇرىن- سوڭدى بولماعان مەكتەپتەر مەن اۋرۋحانالاردى سالۋدامىز. وسىنىڭ ارقاسىندا ەلىمىزدە ورتاشا ءومىر ءسۇرۋ ۇزاقتىعى 71 جاسقا دەيىن ءوستى. وسىنىڭ بارلىعى بولاشاق ءۇشىن جاسالىپ جاتىر. جاستار «ديپلوممەن - اۋىلعا» ۇندەۋىن قابىلدادى. الماتى وبلىسىنداعى اۋىلدارعا 4 مىڭ مامان كەلدى. ەگەر دەنساۋلىق، ءبىلىم نىساندارىن سالاتىن بولساق، وندا كىم جۇمىس ىستەيدى؟ سوندىقتان اۋىلعا بارىپ، جەرلەستەرىنە كومەكتەسۋلەر كەرەك»، - دەدى فورۋمعا قاتىسۋشىلارعا ارناعان سوزىندە نۇرسۇلتان نازاربايەۆ.
