بەردىبەك ساپاربايەۆ قاراعاندى وبلىسىندا جاڭا ەمدەۋ- ساۋىقتىرۋ كەشەنىندە بولدى - فوتو

 قاراعاندى. قازاقپارات - قاراعاندى وبلىسىنىڭ پريوزەرسك قالاسىندا ق ر پرەزيدەنتى ءىس باسقارماسى مەديتسينالىق ورتالىعىنىڭ «بالقاش» ەمدەۋ- ساۋىقتىرۋ كەشەنى پايدالانۋعا بەرىلدى،

 دەپ حابارلادى ق ر  پ ءى ب باسپا ءسوز قىزمەتىنەن.

قاراعاندى وبلىسىنا جاساعان جۇمىس ساپارىنىڭ بارىسىندا ق ر پرەمەر- ءمينيسترىنىڭ ورىنباسارى بەردىبەك ساپاربايەۆ وسى الەۋمەتتىك نىسانعا باردى. ۆيتسە- پرەمەر كەشەننىڭ تەحنيكالىق جابدىقتالۋى جانە جۇمىس جۇيەسىمەن تانىسىپ ءوتتى.

«بۇل شيپاجاي ءبىرىنشى كەزەكتە قاراعاندىلىق ايماق پەن كورشىلەس وبلىستاردىڭ تۇرعىندارىن ساۋىقتىرۋ ءۇشىن سالىندى. بۇل جەردە بارلىق الەمدىك ستاندارتتار مەن تالاپتارعا سايكەس كەلەتىن جاعداي جاسالعان»، - دەدى ب. ساپاربايەۆ.

شيپاجايدا تىنىس، جۇرەك- قان تامىرى، پەريفەريالىق جۇيكە جانە نەسەپ شىعارۋ جۇيەلەرىنىڭ، تىرەك- قوزعالىس اپپاراتىنىڭ اۋرۋلارىنا شالدىققان ازاماتتار كومەك الا الادى. مۇندا سۋ، فيزيو، جىلۋمەن ەمدەۋ، تۇز شاحتاسى، لازەر تەراپياسى، گەليوتەراپيا، ساز اپپليكاتسياسى جانە ەمدەۋدىڭ باسقا دا تاسىلدەرى قولدانىلادى.

التى بلوكتان قۇرىلعان كەشەن 150 ورىنعا ارنالعان 120 ءنومىردى قامتيدى. كليەنتتەرگە مەيرامحانا، وقىرماندار زالى بار كىتاپحانا، كينو جانە كونسەرت زالى، بالالاردىڭ بوس ۋاقىتىن ۇيىمداستىرۋ ورتالىعى، ينتەرنەت- كافە جانە ساۋىقتىڭ باسقا دا قۇرىلىمدارى قىزمەت ەتەدى. بۇدان بولەك، مۇندا سپورت زال، جابىق باسسەين، بوۋلينگ زالى، دەنەشىنىقتىرۋمەن ەمدەۋ زالى، فيتنەس- ورتالىق بار.

 عيماراتتاردىڭ جالپى اۋماعى - شامامەن 22 مىڭ شارشى مەتر.