ءاربىر قازاق اتقا مىنسە، ءوزىن باتىر سەزىنەدى

استانا. قازاقپارات - قازاقتار ەسەكتى ءتورت تۇلىك مالعا قوسپاعان ەكەن. سەبەبى، قازاقتار ەسەكتى مىنبەگەن، ءتىپتى مال ساناتىنا قوسپاعان. اقىماقتاۋ ادامداردى «اڭگۇدىك" دەۋدىڭ ءبىر سەبەبى بولۋى دا مۇمكىن.. .

ەسەكتىڭ ەركەگىن اڭگى دەسە، ۇرعاشىسىن ءماشى دەيدى، ال، بالاسىن قودىق دەيدى ەكەن.. . اڭگۇدىك دەگەن ءسوز وسى «اڭگىح دەگەنمەن بايلانىسى بار ما دەگەن وي كەلەدى. ەسەكتىك كۇشى ادال، ەتى حارام، - دەگەندى دە بەكەر ايتپاسا كەرەك. كوشپەلى، جاۋىنگەر قازاق حالىقى كەڭەس ۇكىمەتى ورناعانشا ەسەك مىنبەگەن ەكەن.. .

اجەم اقبالىق: - وسى ەسەكتى قىتايدا وزبەك، سارتتار ءمىنۋشى ەدى. قازاقتىڭ ەسەك مىنگەنىن سوۆەتكە كەلىپ كوردىك، - دەگەنى ءالى كۇنگە دەيىن ەسىمدە. ءاربىر قازاق اتقا مىنسە، ءوزىن باتىر سەزىنەدى، ونى تالاي رەت بايقادىم.. . ال، ەسەك مىنگەن قازاق قانداي بولاتىنىن كوز الدىڭىزعا ەلەستەتە بەرىڭىز. كەيبىر مەرەكەلەردە بالالارعا ەسەك ءمىندىرتىپ، ءتىپتى كەيبىر كورىنىستەرگە دە پايدالىنىپ جاتقانىن تالاي رەت كوردىك.. .

قازاقستاننىڭ شىعىسى مەن سولتۇستىك، باتىس ايماقتارىندا ەسەك وتە سيرەك كەزدەسەدى. ونىڭ دا ءبىر بەلگىلى سەبەپتەرى بولۋى كەرەك. ەر جىگىتتىڭ قاناتى بولعان - جىلقى، جەسەڭ ەت، ىشسەڭ قىمىز، مىنسەڭ كولىك . جىلقى مالىنىڭ جانىندا ەسەك مىنگەن ادام تومەنشىكتەي بەرەتىن سەبەبى دە سونان بولۋى مۇمكىن.

ەسەكتى بايلاپ سۋىتپايدى، ايداپ سۋىتادى، - دەگەن ماقالدى سارت، وزبەكتەردەن اۋدارىپ الساق كەرەك. دەگەنمەن، ەسەك جايلى تالاي ويلار كەلەدى.. . سىزگە شە، دوستىم؟ !!!

 

سوۆەتقازى نۇرسيلا

Facebook-تەگى پاراقشاسىنان