ا ق ش- تا «سۋرەتشى» ەشكى زووباق قوناقتارىن تاڭداي قاقتىردى

استانا. قازاقپارات - ا ق ش- تىڭ نيۋ-مەكسيكو شتاتىنداعى زووباقتاردىڭ بىرىندە بودي ەسىمدى ەشكى سۋرەت سالۋدى ۇيرەنىپ العان.

New York Daily News حابارلاعانداي، زووباق قىزمەتكەرى كريستين رايت 4 جاستاعى ەشكىنى بىرنەشە ايدان بەرى سۋرەت ونەرىنە باۋلىپ كەلەدى. ول كەرەكتى ءتۇستى ءوزى تاڭداپ، بوياعىشتى ەشكى اۋزىنا قىستىرۋعا كومەكتەسەدى.

بۇگىندە بوديدىڭ تۋىندىلارى 40 ا ق ش دوللارىنان ساتىلىپ، ەرەكشە سۇرانىسقا يە بولدى. «ءبىز ەشكىلەرىمىزدىڭ قۇر شوپكە تويىپ، سەمىرگەنىن قالامايمىز. ودان دا ميلارىن دامىتىپ، پايدالى دۇنيەگە ۇيرەتە بىلگەندى ءجون كوردىك»، - دەيدى زووباق كۇتۋشىلەرى. بوديدىڭ كەي كەزدەرى قاعاز جەپ قوياتىنى بولماسا، ەڭ تالانتتى «شاكىرتتەردىڭ» ءبىرى سانالادى ەكەن.

اۆتورى: جىگەر سارسەن

www.24.kz