09:13, 20 - ءساۋىر 2015 | GMT +5
قىزىل كارتوپ قان قىسىمىن تومەندەتۋگە جاردەمدەسەدى
استانا. قازاقپارات - سكرەنتون ۋنيۆەرسيتەتىنىڭ عالىمدارى عىلىمي ەكسپەريمەنت جۇرگىزدى، وعان ارتىق سالماقتى، قان قىسىمدارى جوعارى 18 ادام قاتىستى،
دەپ جازادى شەتەلدىك ب ا ق.
ەرىكتىلەر ەكى توپقا ءبولىندى: ءبىرىنشى توپقا ءبىر اي ىشىندە كۇن سايىن سۋعا پىسكەن قىزىل كارتوپ بەرىلسە، ەكىنشى توپقا - باسقا تاعام بەرىلگەن. كەيىننەن ءبىرىنشى توپقا بەرۋدى توقتاتىپ، قىزىل كارتوپتى ەكىنشى توپ قاتىسۋشىلارعا ۇلەستىرگەن.
زەرتتەۋ ۋاقىتىندا ولاردىڭ دياستوليكالىق جانە سيستوليكالىق قىسىمدارى، سالماقتارى مەن باسقا دا كورسەتكىشتەرى ولشەنىپ وتىردى. تاجىريبە كورسەتكەندەي، قاتىسۋشىلاردىڭ ورتاشا سيستوليكالىق قىسىمى 3,6 پايىزعا، دياستوليكالىق - 4,3 پايىزعا تومەندەگەن.
