09:05, 20 - ءساۋىر 2015 | GMT +5
بىرىككەن اراب امىرلىگى ءوزىنىڭ عارىش ورتالىعىن قۇردى
ءابۋ- دابي. قازاقپارات - بىرىككەن اراب امىرلىگىنىڭ ۆيتسە-پرەزيدەنتى جانە پرەمەر-ءمينيسترى، دۋباي امىرلىگىنىڭ باسقارۋشىسى مۇحاممەد بين راشيد ءال ماكتۋم امىرلىكتەردىڭ قازىرگى زامانعى عىلىم جانە تەحنولوگيالار ۇيىمى بازاسىندا ۇلتتىق عارىش ورتالىعىن قۇرۋ تۋرالى وكىم شىعاردى.
جەرگىلىكتى WAM اگەنتتىگىنىڭ حابارلاۋىنشا، بۇل ورتالىق عارىش سالاسىنداعى جوبالاردى دامىتۋمەن جانە زەرتتەۋلەر جۇرگىزۋمەن اينالىسىپ، ب ا ءا- ءنىڭ اتالمىش سالادا كوشباسشىلىق رولگە يە بولۋعا دەگەن تالپىنىستارىن بىلدىرمەك. سونداي-اق ورتالىقتا مارسقا ۇشقىشسىز ۇشىرىلاتىن اپپاراتتى ۇشىرۋعا دايىنداۋدىڭ بارلىق كەزەڭدەرى جۇزەگە اسىرىلادى.
اتالمىش عارىش ورتالىعىندا جەر سەرىكتەرىن ۇشىرۋ جانە ولارعا قىزمەت كورسەتۋ بويىنشا كەز كەلگەن عىلىمي جۇمىستار مەن ب ا ءا ۇكىمەتىنىڭ كەيبىر جوبالارى جۇرگىزىلەتىن بولادى.
