قازاق قىزى تاعى ءبىر حالىقارالىق تۋرنيرگە قاتىسقالى جاتىر

استانا. قازاقپارات - قازاقستاننىڭ ءبىرىنشى راكەتكاسى زارينا دياس گەرمانيانىڭ شتۋتگارد قالاسىندا باستالاتىن Porsche Grand Prix حالىقارالىق تەننيس تۋرنيرىنە قاتىسادى.

الەمدىك رەيتينگتە 32- ورىندا تۇرعان دياس بۇل جارىستىڭ العاشقى اينالىمىندا گەرمانيالىق ءسابينا ليسيتسكيمەن (19) كەزدەسەدى. ول بۇل قارسىلاسىن جەڭسە، وندا پولياك اگنەشكا رادۆانسكا (7) مەن يتالياندىق سارا ەرراني (15) اراسىنداعى ماتچتىڭ جەڭىمپازىمەن وينايدى.

زارينا دياس بۇل جارىسقا العاش رەت قاتىسىپ جاتىر.

2014-جىلى شتۋتگاردتاعى تۋرنيردى رەسەيلىك ماريا شاراپوۆا ۇتىپ العان. ول فينالدا سەربيالىق انا ءيۆانوۆيچتى جەڭگەن ەدى، دەپ جازادى alaman.kz.

ايتا كەتەيىك، Porsche Grand Prix تۋرنيرى 20-24- ءساۋىر ارالىعىندا گەرمانيانىڭ شتۋتگارت قالاسىندا وتەدى. ونىڭ جالپى جۇلدە قورى $710,000 قۇرايدى. سونىمەن قاتار جەڭىمپازعا Porsche كولىگى سىيعا تارتىلادى.