تارازدا اسكەري قىزمەتكەرلەر ءبىر وتباسىنى ورتتەن امان الىپ قالدى - فوتو

استانا. قازاقپارات - تارازدا ۇلتتىق گۆارديانىڭ اسكەري قىزمەتكەرلەرى ءبىر جانۇيانى ءتىلسىز جاۋدان امان الىپ قالدى.

وقيعا 17- ءساۋىر كۇنى جامبىل داڭعىلىنىڭ بويىنداعى تۇرعىن ۇيلەردىڭ بىرىندە ورىن العان.

«قازاقستان رەسپۋبليكاسىنىڭ ۇلتتىق گۆاردياسىنىڭ 5513 اسكەري ءبولىمىنىڭ قوعامدىق ءتارتىپتى جانە قاۋىپسىزدىكتى قاداعالاۋ ناريادى پاترۋل جاساۋ بارىسىندا جامبىل داڭعىلىنىڭ بويىنداعى 18/3 ءۇيدىڭ اۋلاسىنا 6-7 جاستاعى بالالاردىڭ جۇگىرىپ شىعىپ، ءۇيدىڭ ەكىنشى قاباتىنداعى 5№ ءورتتى سوندىرۋگە كومەك سۇراعانىن كورەدى.

اسكەري نارياد باستىعى ەفرەيتور ناريمان اقىشيەۆ ءورت سوندىرۋشىلەر مەن جەدەل جاردەم شاقىرتادى. ودان سوڭ پاتەرگە جۇگىرىپ كىرگەن اسكەري نارياد ورتەنىپ جاتقان پاتەردەن 6 جاستاعى بالانى، ونىڭ اناسىن جانە ەگدە جاستاعى ايەل ادامدى الىپ شىعادى. سودان كەيىن ءورت سوندىرۋشىلەردى كۇتپەي-اق بالكونداعى ءورتتى سوندىرە باستايدى»، - دەپ حابارلانعان ق ر ۇلتتىق گۆاردياسىنىڭ «وڭتۇستىك» وڭىرلىك قولباسشىلىعىنىڭ باسپا ءسوز قىزمەتىنىڭ حابارلاماسىندا.

ەفرەيتور ناريمان اقىشيەۆ پەن پاترۋلدىك قاتارداعى جاۋىنگەرلەر سايلاۋ جۇكەن، ابزال وتەپبەرگەنوۆ سىندى اسكەري قىزمەتكەرلەردىڭ ناقتى ءارى شەشىمتال ءىس-ارەكەتتەرىنىڭ ارقاسىندا ءتىلسىز جاۋ اۋىزدىقتالدى.

ەرەكشە كوزگە تۇسكەن اسكەري قىزمەتكەرلەر ماراپاتتاۋعا ۇسىنىلدى.