جوعالعان سمارتفونداردى تاۋىپ بەرەدى

استانا. قازاقپارات - ي ت- گيگانت Google جوعالعان نەمەسە ۇرلانعان سمارتفونداردى ىزدەستىرۋ قىزمەتىن ىسكە قوساتىنىن ءمالىم ەتتى، دەپ جازادى شەتەلدىك ب ا ق.

ولاردى Google Chrome براۋزەرىنىڭ كومەگىمەن تابۋعا بولادى.

سمارتفوندى تابۋ ءۇشىن Google- گە «find my phone» سۇراۋىن سالساڭىز بولعانى، ونىڭ يەسى ەكەنىڭىزدى ناقتىلاعان سوڭ كارتادا ونىڭ بولۋى مۇمكىن جەرى كورسەتىلەدى.

سمارتفوننىڭ قاي جەردە ەكەنىن ءدال انىقتاۋ ءۇشىن دىبىستىق بەلگى بەرۋ قىزمەتى قوسىلادى، ول بەس مينۋت بويى ۇزدىكسىز بەلگى بەرىپ تۇرادى.

سونداي-اق سمارتوندى قاشىقتىقتان بۇعاتتاۋعا نەمەسە ونداعى مالىمەتتەردى جويىپ جىبەرۋگە بولادى.

بۇل فۋنكسيا تەك Android ءموبيلدى وپەراتسيالىق جۇيەسىندە، سونداي-اق و س Android Wear ساعاتتارىنا ارنالعان جۇيەدە جۇمىس جاسايدى.