تاجىكستاندا اقشا ايىرباستاۋ ورىندارى جابىلدى

استانا. قازاقپارات - تاجىكستاندا جەكەمەنشىك اقشا ايىرباستاۋ ورىندارى تەگىس جابىلدى.

بۇل تۋرالى ەلدىڭ ۇلتتىق بانكى مالىمدەدى.

تاجىكستانداعى قارجىلىق باقىلاۋشى ورگاننىڭ حابارلاۋىنشا، بۇل -  ۇلتتىق ۆاليۋتا باعامىنىڭ قاۋىپسىزدىگى مەن ۆاليۋتا نارىعىنىڭ تۇراقتىلىعىن قامتاماسىز ەتۋ ءۇشىن قابىلدانعان شارا. ءسويتىپ بۇگىننەن باستاپ، ەلدەگى 1,5 مىڭنان استام اقشا ايىرباستاۋ ورنىنىڭ 818 ى ءوز جۇمىسىن توقتاتتى.

سونداي-اق تاجىكستاننىڭ ۇلتتىق بانكى ەلدەگى قالعان اقشا ايىرباستاۋ ورىندارىن قاداعالايتىن كوممەرتسيالىق بانكتەرگە ءاربىر ساتىلعان جانە ساتىپ الىنعان قولما-قول ۆاليۋتانى ءتيىستى قۇجاتقا ساي تىركەپ وتىرۋدى بۇيىردى.

جەرگىلىكتى ب ا ق وكىلدەرىنىڭ مالىمدەۋىنشە، سوڭعى كەزدە رەسپۋبليكانىڭ ۇلتتىق ۆاليۋتاسى سوموني ا ق ش دوللارىنا شاققانداعى قۇنىن كۇرت جوعالتقان.

 

www.khabar.kz