14:41, 19 - ءساۋىر 2015 | GMT +5
قازاقستاندىق بوكسشى وليمپيادا جولداماسىن ۇتىپ الدى
استانا. قازاقپارات - قازاقستاندىق بوكسشى ۆاسيلي لەۆيت 2016 -جىلى ريو-دە-جانەيرودا وتەتىن وليمپيادا جولداماسىن ۇتىپ الدى.
بۇل تۋرالى «استانا ارلاندارىنىڭ» ۆكونتاكتە جەلىسىندەگى رەسمي پاراقشاسىندا حابارلانىپ وتىر.
«تەحنيكالىق نوكاۋتپەن جەڭىسكە جەتكەن ۆاسيلي لەۆيت ماۋسىم قورىتىندىسى بويىنشا WSB رەيتينگىندە ءبىرىنشى ورىندى يەلەندى جانە ريوداعى وليمپيادا ويىندارىنا جولداما جەڭىپ الدى»، - دەلىنگەن حابارلامادا.
ەسكە سالا كەتەيىك، بۇنىڭ الدىندا حابارلاعانىمىزداي، بۇگىن «استانا ارلاندارى» ساپىندا 91 كەلىدەن جوعارى سالماقتا ونەر كورسەتەتىن ۆ. لەۆيت «ارگەنتينا كوندورلارى» كلۋبىنىڭ بوكسشىسى ديەگو بلانكانى تەحنيكالىق نوكاۋتپەن جەڭگەن بولاتىن.
اۆتور: جاسۇلان جولدىبايەۆ
