پرەزيدەنت اقىرى اجىراسۋعا شەشىم قابىلدادى

استانا. قازاقپارات - ەستونيا پرەزيدەنتى تووماس حەندريك يلۆەس ايەلى ەۆەلين يلۆەسپەن اجىراساتىن بولدى.

پرەزيدەنت ايەلىن وزىنە ادال بولماعاندىعى ءۇشىن ايىپتاپ، وسىنداي قادامعا بارعان.

بۇل تۋرالى اقپارات تاراتقان ەستونيانىڭ err.ee سايتىنىڭ مالىمدەۋىنشە، اجىراسۋ شەشىمى 30 -ساۋىردەن كۇشىنە ەنبەك.

ءبىراق وزدەرىنىڭ قىزدارىن تاربيەلەۋ جولىنداعى مۇددەسى ورتاق بولادى. اجىراسۋ ءوز كۇشىنە ەنگەن كۇننەن باستاپ ەۆەلين يلۆەس بۇعان دەيىن ەل باسشىسىنىڭ زايىبى ساناتىندا يەلىك ەتكەن مۇلىكتەرىمەن قوش ايتىسپاق.

ال پرەزيدەنت كەڭسەسى تووماس حەندريك يلۆەستىڭ نەكە بۇزۋعا بارعان قادامىنىڭ مەملەكەت باسشىلىعىنا قاتىسى جوقتىعىن، ءوزىنىڭ جەكە ماسەلەسى بولىپ تابىلاتىندىعىن ايتىپ وتىر. ول ەۆەلين يلۆەسپەن 2004 -جىلى شاڭىراق كوتەرگەن.

«حابار»