ونەرتاپقىش ەرەكشە ەرتوقىم ويلاپ تاپتى
ايتۋلى كورمەگە الەمنىڭ 48 مەملەكەتىنەن 750 دەن استام ونەرتاپقىشتارى قاتىسىپ، ءوز تۋىندىلارىن پاش ەتۋدە.
جەنەۆا حالىقارالىق كورمەسى جىل سايىن ۇيىمداستىرىلىپ تۇراتىن ءىرى ونەرتاپقىشتار جارمەڭكەسى دەسەك تە بولادى. بۇل كورمەدە الەمنىڭ تۇكپىر- تۇكپىرىنەن جينالعان ونەرتاپقىشتار تەحنيكانىڭ ادامزات يگىلىگىنە قىزمەت ەتۋىن ءتۇرلى جولدارمەن وڭايلاتا تۇسكەن تۋىندىلارىن ۇسىنادى.
بيىلعى جىلعى كورمەنىڭ باستى جاڭالىقتارىنىڭ ءبىرى - بىرىككەن اراب امىرلىگىنىڭ تۇرعىنى احمەد مادجاننىڭ جاساپ شىعارعان ەرەكشە ەرتوقىمى بولدى. جاڭا زامانعا لايىقتالىپ جاسالعان ەرەكشە ەرتوقىم گيروسكوپ، كومپاس، GPS باعىتتاۋشى جانە سالقىنداتۋ جۇيەسىمەن جابدىقتالعان.
سونداي-اق، تۇلپار قوجايىنى قولىنداعى تەتىكتى باسۋ ارقىلى اتىنىڭ تۇرعان جەرى مەن شاباندوزدىڭ جىلدامدىعى جايلى دا اقپارات الا الادى.
