12:01, 19 - ءساۋىر 2015 | GMT +5
الەۋمەتتىك جەلىلەر ايەلدەرگە كەرى اسەر ەتەدى
استانا. قازاقپارات - بريستولداعى باتىس انگليا ۋنيۆەرسيتەتىنىڭ عالىمدار توبى پروفەسسور فيليپپ ديدريحسپەگتىڭ باسشىلىعىمەن كوپ جىلدىق باقىلاۋ مەن زەرتتەۋ بارىسىندا الەۋمەتتىك جەلى نازىك جاندىلاردىڭ ءوزىن-ءوزى باعالاۋى مەن سەزىمىنە كەرى اسەر ەتەتىنىن انىقتادى، دەپ جازادى روسبالت.
الەۋمەتتىك جەلىدە جۋرنالدار وقىپ، جاڭالىقتار قاراپ، تۇراقتى ۋاقىت وتكىزەتىن ايەلدەر مەن بويجەتكەندەر، مامانداردىڭ پىكىرىنشە، باسقا ايەلدەرگە قاراعاندا، تابيعيلىعىنان اجىراپ، جاساندىلىققا بەيىم بولادى. سەبەبى ايەل ءوزىنىڭ كەلبەتىن الەۋمەتتىك جەلىلەردەگى باسقا ايەلدەرمەن ۇنەمى سالىستىرىپ وتىرادى.
ءبىرىنشى كەزەكتە، زەرتتەۋشىلەر مۇنى Facebook الەۋمەتتىك جەلىسىنە قاتىستى دەپ سانايدى. ءبىراز ۋاقىت ارالىعىندا جەلىنى پايدالاناتىن ايەلدەر مەن قىزداردى باقىلاۋ بارىسىندا ولار نازىك جاندىلار ءۇشىن سىرتقى تارتىمدىلىق نەگىزگى فاكتورعا اينالعانىن انىقتادى.
