جۇلدىزداردىڭ قىزىل كىلەمدە سەلفي جاساۋىنا تىيىم سالىنباق
«سەلفيدى ءتۇپ-تامىرىمەن جويۋعا وكىلەت-قۇزىرىمىزدىڭ جەتپەيتىنى وكىنىشتى-اق. دەگەنمەن ءبىز بۇگىندە سانگە اينالعان بۇل ۇردىسكە قارسى كۇرەس جۇرگىزۋ بويىنشا كەڭ اۋقىمدى ۇگىت-ناسيحات ناۋقانىن باستاماقپىز. سەبەبى سەلفي فەستيۆالدىڭ دەر كەزىندە باستالىپ، ۋاقىتىندا اياقتالۋىنا كەدەرگى كەلتىرەدى»، - دەيدى كانن كورسەتىلىمىنىڭ كوركەمدىك جەتەكشىسى تەرري فرەمو.
«فەستيۆالگە كەلگەندەردىڭ بارلىعى ءار ەكى مەتر سايىن توقتاپ، ءوزىن-ءوزى سۋرەتكە تۇسىرەدى. سىرتتاي باقىلاپ تۇرعاندارعا بۇل وتە وعاش كورىنەدى ءارى اقىماق ادامنىڭ قىلىعىن ەلەستەتەدى»، - دەدى فرەمو.
سونداي-اق ول فەستيۆال كەستەسى وتە تىعىز، ال وتەتىن شارالاردىڭ ۋاقىتى مينۋت-مينۋتىنا دەيىن بەلگىلەنىپ قويىلاتىنىن اتاپ ءوتتى.
الايدا كانن فەستيۆالىنىڭ قوناقتارىنا سەلفي جاساتپاۋدىڭ امالىن فرەمو ناقتىلامادى. 68- كانن فەستيۆالى 13 مەن 24 -مامىر ارالىعىندا فرانسيادا وتپەك.
