ەلىمىزدىڭ ءۇش وبلىسىندا جولدار جابىق

استانا. قازاقپارات - ەرىگەن قار سۋىنىڭ جايىلۋىنا بايلانىستى قازاقستاننىڭ ءۇش وبلىسىندا جولدار جابىلدى، دەپ حابارلايدى ق ر ءى ءى م توتەنشە جاعدايلار كوميتەتىنەن.

قاراعاندى وبلىسىندا قاراعاندى قالاسىنان پاۆلودار وبلىسىنىڭ شەكاراسىنا (0-93 شاقىرىمدارى، «قالقامان- باياناۋىل- ۇمىتكەر- ۋليانوۆسكي») دەيىنگى ارالىعى؛ قاراعاندى قالاسى- قارقارالى؛ قاراعاندى وبلىسىنىڭ شەكاراسى- جەزقازعان قالاسى ۋچاسكەلەرىندە بارلىق اۆتوكولىك تۇرلەرىنىڭ قوزعالىسى توقتاتىلدى.

قىزىلوردا وبلىسىندا قىزىلوردا قالاسى - قاراعاندى وبلىسىنىڭ شەكاراسىنا (12-216 شاقىرىمدارى، «قىزىلوردا- پاۆلودار- ۋسپەنكا- رەسەي فەدەراتسياسى شەكاراسى» تاس جولى) دەيىنگى ۋچاسكەسىندە بارلىق كولىك تۇرلەرىنىڭ قوزعالىسى شەكتەلدى.

سونداي-اق پاۆلودار وبلىسىندا مايقايىڭ اۋىلىنان قاراعاندى وبلىسىنىڭ شەكاراسىنا (93-265 شاقىرىمدارى، «ۋليانوۆسك- كەرەي- ۇمىتكەر» تاس جولى) دەيىنگى ۋچاسكەسىندە بارلىق كولىك تۇرلەرىنىڭ قوزعالىسى توقتاتىلدى.