08:26, 19 - ءساۋىر 2015 | GMT +5
رەسەيدە قالا مەرى جوعالىپ كەتتى
استانا. قازاقپارات - رەسەيدىڭ يوشكار-ولا قالاسىنىڭ پوليتسياسى ءىز-ءتۇزسىز جوعالىپ كەتكەن قالا مەرى پاۆەل پلوتنيكوۆتى ىزدەستىرىپ جاتىر.
شەتەلدىك ب ا ق حابارلاعانداي، ماري ەل رەسپۋبليكاسىنىڭ ءى ءى م اقپاراتىنشا، تۇنگى ساعات 1 لەر شاماسىندا پوليتسيانىڭ كەزەكشى بولىمىنە مەردىڭ جۇبايىنان ونىڭ كۇيەۋى، 1977 -جىلى تۋعان پلوتنيكوۆ پاۆەل ۆياچەسلاۆوۆيچتىڭ جوعالىپ كەتكەندىگى تۋرالى اقپارات كەلىپ تۇسكەن.
سونداي-اق ول كۇيەۋىنىڭ جۇما كۇنى يوشكار-ولاداعى قۇرىلىسشىلار كوشەسىنە بارعانىن، سودان بەرى ونىڭ قايدا ەكەنى بەلگىسىز بولىپ جاتقانىن جەتكىزگەن.
قالا باسشىسىن ىزدەۋگە مۇنداعى بارلىق پاترۋلدىك بەكەت قىزمەتىنىڭ ەكيپاجدارى، مەملەكەتتىك قاۋىپسىز جول قوزعالىسى ينسپەكسياسىنىڭ، ۆەدومستۆودان تىس كۇزەت قىزمەتكەرلەرى جۇمىلدىرىلدى.
