08:20, 19 - ءساۋىر 2015 | GMT +5
قانت ديابەتىمەن اۋىراتىن ادامدارعا ارنالعان ورازا كىتابى جارىققا شىقتى
استانا. قازاقپارات - مالايزيا دەنساۋلىق ساقتاۋ مينيسترلىگى مەن ەندوكرينولوگيا جانە مەتابوليزم قوعامداستىعى (MEMS) قانت ديابەتىمەن سىرقاتتاناتىن ادامدار ءۇشىن رامازان ايىنا ارنالعان ورازا كىتابىن شىعاردى، دەپ حابارلانعان «نۇر استانا» ورتالىق مەشىتىنىڭ رەسمي سايتىندا.
MEMS پرەزيدەنتى نور ازمي قاسيەتتى ورازا ايىندا قانت ديابەتى دەرتىنەن زارداپ شەگەتىن ادامداردىڭ اۋرۋحاناعا كوپتەپ تۇسەتىنىن ءمالىم ەتتى.
ال اتالمىش وقۋلىق ەڭ الدىمەن وسى دەرتپەن اۋىراتىن ادامدى ەمدەۋشى دارىگەرلەرگە ارنالعان.
وسى ەڭبەك ارقىلى دارىگەر ەمدەلۋشىگە رامازان ايىنىڭ ورازاسىن اۋرۋ ادام قالاي ۇستاۋىنا بولاتىندىعى تۋرالى دۇرىس اقىل-كەڭەس بەرە الادى.
