ەلباسى: الماتىدا جاستاردىڭ ۇزدىك جوعارى ءبىلىم الىپ، لايىقتى جۇمىس اتقارۋىنا بارلىق جاعداي جاسالعان
«الماتى - جاستاردىڭ قالاسى. بۇل جەردە ۇزدىك جوعارى ءبىلىم الۋعا، لايىقتى جۇمىس اتقارۋعا بارلىق جاعداي جاسالعان. ەكونوميكالىق ءوسىم بولسا، بەرەكە-بىرلىك بولسا، مادەنيەت تە، ادەبيەت تە، سپورت تا داميدى. وسى تاۋەلسىزدىك جىلدارىندا اتقارىلعان، جۇزەگە اسىرىلعان تىرلىكتەردىڭ بارلىعى جاستار، سىزدەر ءۇشىن! مەن دە، مەملەكەت تە سىزدەر ءۇشىن، سىزدەردىڭ بولاشاقتارىڭىز ءۇشىن ەڭبەك ەتىپ جاتىرمىز. سوندىقتان بولاشاقتا الەمنىڭ ازاماتى بولىڭىزدار. بۇل ءۇشىن ءۇش ءتىلدى قاتار مەڭگەرىڭىزدەر. دۇنيە جۇزىلىك عىلىم مەن ءبىلىمدى يگەرسە ەكەن دەپ مەن قىزمەت ىستەپ جاتىرمىن. باقىتتى بولىڭدار! ەلىمىزدى العا قاراي جەتەلەيتىن سىزدەر بولاسىزدار!» - دەدى ەلباسى.
مەملەكەت باسشىسىنىڭ سوزىنەن كەيىن الماتى جاستارى ۇيىمدارىنىڭ وكىلدەرى جاستار اتىنان ەلباسىنىڭ ساياساتىن قولدايتىندىقتارىن ءبىلدىردى.
«الماتى كوكتەمى» دەپ اتالاتىن بۇگىنگى فەستيۆالدىڭ اياعى كونسەرتكە ۇلاستى. وندا قازاق تىلىندە عانا ەمەس، ەلىمىزدە ءومىر ءسۇرىپ جاتقان باسقا دا ۇلتتاردىڭ تانىمال اندەرى ايتىلدى.
كونسەرتتىڭ سوڭىندا ەلباسىنىڭ قۇرمەتىنە الماتى كوگىندە وتشاشۋ بەرىلدى.
اۆتور: جاپپاربەرگەن ايبوتا
