ءۇندىستاندىق ماگنات قالايشا قازاقستاننىڭ ارقاسىندا بايىپ كەتتى؟
بۇل تۋرالى respublika.kz سايتى جازدى.
قۇرىش ماگناتى لاكشمي ميتتال 1990-جىلدارى قاراعاندى مەتاللۋرگيا كومبيناتىنىڭ قوجايىنى اتاندى. لاكشمي ەلىمىزدەن 200 ميلليون دوللارعا ساتىپ العان كومبيناتتىڭ ناعىز قۇنى سول جىلدارى 3 ميلليارد دوللاردى قۇراعان. Forbes جۋرنالىنىڭ مالىمەتىنە سايكەس، ميتتالدىڭ بايلىعى قازىرگى ۋاقىتتا 13,8 ميلليارد دوللاردى قۇرايدى.
ارينە، بۇل كەزەڭ قازاقستان ءۇشىن گۇلدەپ تۇرعان ۋاقىت بولمادى. كەڭەس ۇكىمەتى قۇلاعاننان كەيىن، ەلىمىز بۇرىنعى جابدىقتاۋشىلار مەن كليەنتتەرىنەن ايىرىلدى، جالاقى جۇرمەي قالدى. تەمىرتاۋ تۇرعىندارىنىڭ جارتىسىن قۇرايتىن 35000 عا جۋىق بولات قورىتۋشىلار، تاباقشا مەتاللدى يەلەلەنۋشىلەر جانە وزگە دە جۇمىسكەرلەر جۇمىستان قىسقارتىلۋ قاۋپىندە بولدى.
مەملەكەتىمىز تىعىرىقتان شىعۋ ءۇشىن ءىرى ءوندىرىس ورىندارىن جاپپاي جەكەشەلەندىرۋ قادامىنا باردى. كەيبىرەۋلەر ءىرى زاۋىتتى كەپىلگە قويىپ، بانكتەن قوماقتى نەسيە الۋدان ءۇمىتتى بولسا، باسقالار بار ءونىمدى تەز ساتىپ جىبەرىپ اكتيۆتەردى الۋعا اسىقتى.
قاربالاس كەزەڭدە قازاقستانعا كالكۋتتا جانە يندونەزيادا كىشىگىرىم بولات قۇيۋ زاۋىتتارىندا تاجىريبە جيناقتاپ ۇلگەرگەن 45 جاستاعى ينۆەستور كەلدى.
ونىڭ اكەسى موحان ميتتال بالاسىنا جاقسى ءبىلىم بەرىپ، ءۇندىستاندا تانىمال بيزنەسمەنگە اينالۋدى ارماندايتىن. الايدا، جەرگىلىكتى شەنەۋنىكتەردىڭ قىسىمىنان كەيىن، ەلىندە ساتىپ العان بولات يلەۋشى زاۋىتىن تاستاپ، ءۇندىستاننان كەتۋدى ۇيعارعان.
كالكۋتتاداعى بارلىق اكتيۆتەرىن ساتقان ول، يندونەزياعا بارىپ، 15 ميلليون دوللارعا كاسىپورىن ساتىپ الدى. پايداعا كەنەلتكەن زاۋىتتى «يسپات» (تەمىر) دەپ اتاپ، سول كەزدە انگليادا وقىپ جۇرگەن ۇلىن شاقىرتىپ الدى.
زاۋىت جۇمىسىنان ەش حابارى جوق لاكشمي وقۋىن تاستاپ، كاسىپورىنداعى جۇمىستان تاجىريبە جيناقتاي باستادى.
«مەتالل بارلىعىنا كەرەك. بۇكىل الەمنىڭ كەلەشەگى سوعان بايلانىستى» دەدى اكەسى لاكشميگە.
ايتا كەتەرلىگى، كەز-كەلگەن قارىم-قاتىناستار ءتيىمدى پايدالانا بىلەتىن لاكشمي ميتتال ءۇندى ەلىندە تارالعان مارۆاري تەگىنەن شىققان. بۇل قابىلەت لاكشميدىڭ دە بويىنان تابىلىپ، قاراعاندى مەتالل كومبيناتىن ساتىپ الدى. كەن بازاسى قاسىندا، ەنەرگيا كوزى ەكىباستۇزدا، دومناعا كوكس تەمىرتاۋ قاسىنداعى قاراعاندى كومىرىندە، مۇزداتاتىن اگرەگاتتار سامارقاند سۋ قويماسىندا بار. جانە بارلىق ايماققا تەمىر جولى جالعانعان. بارلىق جاعدايلاردىڭ بولۋى كومبيناتتى ساتىپ الۋدىڭ تيىمدىلىگىن بايقاتتى.
شىعىنى از، پايداسى كوپ بولۋى كەرەك دەپ سانايتىن ميتتال وتباسى قاراعاندى كومبيناتىنىڭ شىعىستارىن ەكى باعىتقا ءبولدى: بەيىندى ەمەس جانە نەگىزگى. بارلىق ماسەلەلەردى ماگنات تەمىرتاۋدا تۇراقتاماي استانا نە الماتىدا شەشىپ وتىردى.
قاراعاندى مەتالل كومبيناتى ميتتالدى ۇلكەن پايداعا كەنەلتتى. وسى كومبيناتتى ساتىپ العاننان كەيىن ميتتال يرلاندياداعى بولات قۇيۋ زاۋىتىن ساتىپ اۋلعا مۇمكىندىك الدى.
كوپ ۇزاماي LNM Holdings (لاكشمي Niwas ميتتال حولدينگى - قازتاگ) حولدينگىسىن قۇردى. چەحيادا Nova Hut, پولشادا گۋتا، رۋمىنيادا Petrotub, بوسنيادا BH Steel, ماكەدونيادا Balkan Steel, الجيردە Alfasid جانە وڭتۇستىك افريكادا يسكور كاسىپورىندارىنىڭ قوجايىنى اتاندى. گەرمانيا مەن كانادادا زاۋىتتار ساتىپ الدى. 2000-جىلدارى International Steel Group-تىڭ 6 بولات قۇيۋ زاۋىتىن ساتىپ الۋى بايلىعىن ەسەلەي ءتۇستى.
Nur.kz
