رەسەي قازاقستانعا تايسويعان پوليگونىنىڭ باسىم بولىگىن قايتاراتىن بولدى - سەناتور

اتىراۋ. قازاقپارات - رەسەي فەدەراتسياسى جالعا العان جەردە ورنالاسقان، اسكەري ماقساتتا پايدالانىلعان تايسويعان پوليگونىنىڭ باسىم بولىگىن قازاقستانعا قايتارادى، دەپ حابارلادى قازاقپارات تىلشىسىنە ق ر پارلامەنتى سەناتىنىڭ دەپۋتاتى سارسەنباي ەڭسەگەنوۆ.

«ماسكەۋدە «ق ر مەن ر ف اراسىنداعى 1995-جىلعى 20- قاڭتارداعى ر ف قورعانىس مينيسترلىگىنىڭ 929- مەملەكەتتىك ۇشۋ-سىناق ورتالىعىن پايدالانۋ تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى» حاتتاماعا قول قويىلدى.

وسى حاتتاماعا سايكەس، جەرىنىڭ ءبىر بولىگى اتىراۋ وبلىسىنا، ەندى ءبىر بولىگى باتىس قازاقستان وبلىسىنا قاراستى تايسويعان اسكەري پوليگونى اۋماعىنىڭ شامامەن 80 پايىزى قايتارىلادى»، دەپ حابارلادى س. ەڭسەگەنوۆ.

بۇعان حاتتامانى بىرنەشە جىل قايتا قاراۋ بارىسىندا قول جەتكىزىلدى.