قازاقستاندىق ونەر جۇلدىزدارى فۋتبولدان الەم چەمپيوناتىنا قاتىسادى

 استانا. قازاقپارات - ماۋسىم ايىنىڭ 5-14-  ارالىعىندا رەسەي استاناسى ماسكەۋدە ونەر جۇلدىزدارى اراسىندا فۋتبولدان الەم چەمپيوناتى وتەدى. وسىمەن بەسىنشى رەت ۇيىمداستىرىلىپ جاتقان دوداعا قازاق ونەر جۇلدىزدارىنان قۇرالعان كوماندا دا قاتىسادى.

قازاقستاندىق ونەر جۇلدىزدارى جەرەبە بويىنشا برازيليا، گەرمانيا جانە وڭتۇستىك كورەيا ەلىنىڭ ونەر جۇلدىزدارىمەن «ۆ» توبىندا ونەر كورسەتەتىن بولدى. بۇل جارىسقا الەمنىڭ 16 قۇراماسى قاتىسادى. ولار ءتورت توپقا بولىنگەن. وتكەن جىلعى ەرەجە ساقتالىپ قالار بولسا، ءاربىر كوماندا ارتىستەردەن باسقا 35 تەن جاس ەمەس ەكى كاسىبي فۋتبولشى مەن ءبىر تانىمال سپورتشىنى (فۋتبولشى ەمەس) قاتىستىرا الادى.

جەرەبە قورىتىندىسى:

ا توبى: رۋمىنيا، نيدەرلاندى، سلوۆاكيا، ۇلىبريتانيا.

B توبى: برازيليا، گەرمانيا، قازاقستان، وڭتۇستىك كورەيا

س توبى: رەسەي، يتاليا، ەستونيا، سلوۆەنيا.

D توبى: يزرايل، بەلورۋس، تۇركيا، جاپونيا.

ايتا كەتەيىك، قازاقستاندىق ونەر جۇلدىزدارى وتكەن جىلى دا بۇل دوداعا قاتىسقان بولاتىن. الەم چەمپيوناتى نەمەسە «ارت- فۋتبول» دەپ اتالاتىن جارىس - الەمدىك دەڭگەيدەگى قايىرىمدىلىق اكتسياسى نەگىزىندە ۇيىمداستىرىلىپ كەلەدى. انشىلەر دوپ تەۋىپ قانا قويماي، بوس كەزدەرىندە ءتۇرلى كونتسەرتتىك ءىس- شارالار دا ۇيىمداستىرادى. ودان تۇسكەن قاراجات ناۋقاس بالالاردى ەمدەۋگە جۇمسالادى.

 2014 -جىلى بۇل جارىسقا كوپ قۇرامالار ەرەجەدەن اتتاپ، قۇرامالارىنىڭ قاتارىنا بىرنەشە ارتىق كاسىبي ويىنشىلاردى الىپ كەلگەن ەدى. دەسە دە % 90 انشىلەردەن قۇرالعان قازاقستاندىق ونەر جۇلدىزدارى انگليا مەن يراندى ۇتىپ، ەستونيامەن تەڭ ءتۇسىپ، نيدەرلاندى مەن رەسەيگە عانا ۇتىلعان- دى.

وتكەن جىلى قاتىسقان قازاقستان قۇراماسى:

قاقپاشىلار: ابدۋلكارىم كارىموۆ (ءانشى) ، اقىلبەك دوسجانوۆ (پروديۋسەر) ؛

قورعاۋشىلار: ەرلان ءالىموۆ (ءانشى) ، مەلس ساعات ۇلى (ءانشى) ، اباي جانساربايەۆ (ءانشى) ، مەدەت كەجەكبايەۆ (ءانشى) ، جاناي عادىلبەك (ءانشى) ، قازىبەك قوجاحمەتوۆ (ءانشى) ، كەنجەبەك ءجانابىلوۆ (ءانشى) ، ارمان قوڭىربايەۆ (ءانشى) ، مارات ەسمۇراتوۆ (بۇرىنعى فۋتولشى) ؛

جارتىلاي قورعاۋشىلار: باتىر باينازاروۆ (ءانشى) ، سۇلتان كۇنتۋعان (ءانشى) ، عالىمجان ارىستانبەك ۇلى (پروديۋسەر) ، ايان بىربايەۆ (ءانشى) ، جۇبانىش جەكسەن ۇلى (ءانشى) ، ءادىلجان وماروۆ (ءانشى) ، سەيىتجان داۋرەن (ءانشى) ، ديلەن (ءانشى) ، ءىلياس حاروۆ (ءانشى) ؛

شابۋىلشىلار: مۇقاسان شاحزادايەۆ (ءانشى) ، رىسبەك اتاشيەۆ (ءانشى) ، ساكەن مايعازيەۆ (ءانشى) ، مەيرامبەك بەسبايەۆ (ءانشى).

massaget.kz