الەم كارتاسىندا جاڭا مەملەكەت پايدا بولدى
ال چەحيالىق «ەركىن ازاماتتار پارتياسىنىڭ» وكىلى ۆيت ەدليچكا ءوزىن وسى مەملەكەتتىڭ پرەزيدەنتىمىن دەپ جاريا ەتتى. «مۇندا سالىق تولەۋ ەرىكتى تۇردە جۇزەگە اسىرىلادى»، - دەيدى جاڭا ەلدىڭ باسشىسى.
سودان بولار رەسپۋبليكا ازاماتى بولۋعا نيەت بىلدىرگەندەردىڭ قاتارى جەتىپ ارتىلادى. قازىردىڭ وزىندە ەلەكتروندىق پوشتا ارقىلى ون مىڭداعان ادام بيلىكتەن جاۋاپ كۇتىپ وتىر. سەبەبى ازاماتتىق الۋ ءۇشىن ۇمىتكەر كوممۋنيست، ۇلتشىل جانە ەكسترەميست بولماۋى ءتيىس»، - دەيدى ەل پرەزيدەنتى.
ۆيت ەدليچكا، ليبەرلەند پرەزيدەنتى: - قازىر ءبىز ازاماتتىق الۋعا نيەت بىلدىرگەن ادامداردىڭ وتىنىشتەرىن قاراستىرىپ، سايتىمىزعا قىزىعۋشىلىق تانىتقان تۇلعالاردى زەرتتەپ جاتىرمىز. سونىمەن قاتار الەم ەلدەرىمەن بايلانىس ورناتۋ ءۇشىن ديپلوماتيالىق نوتا جىبەرىپ، جاڭا مەملەكەتتىڭ پايدا بولعانى تۋرالى مالىمەتتى تاراتىپ جاتقان جايىمىز بار.
ايتا كەتەيىك، جەر جاھاندا ءدال وسىنداي ونداعان شاعىن ەل بار. ءبىراق حالىقارالىق ۇيىمدار ولاردى كوبىنە ەلەي بەرمەيدى. جاڭا ەلدىڭ ەڭ جاقىن كورشىلەرى حورۆاتيا مەن سەربيا دا ازىرگە ەشقانداي رەسمي مالىمەت جاساعان جوق.
www.24.kz
