ماسكەۋدە رەسەيلىك ساراپشىلار قازاقستان ءۇشىن وزەكتى ماسەلەلەردى تالقىلادى

كونفەرەنتسيانى ۇيىمداستىرۋعا م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتى، رەسەي عىلىم اكادەمياسىنىڭ ەكونوميكا ينستيتۋتى، ر ف س ءى م ديپلوماتيالىق اكادەمياسى، رەسەي جاراتىلىستانۋ عىلىمدارى اكادەمياسى جانە رەسەي تاۋار وندىرۋشىلەرىنىڭ وداعى ۇيىتقى بولدى.
كونفەرەنتسياعا رەسەيلىك عىلىمي-ەكسپەرتتىك قوعامداستىقتىڭ بەلدى وكىلدەرى، سونداي-اق قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى مارات ءتاجين قاتىستى.
جيىندا قازاقستان ءۇشىن وزەكتى ماسەلەلەر تالقىلاندى: ءدال وسى ۋاقىتتا كەزەكتەن تىس پرەزيدەنت سايلاۋىن وتكىزۋ ارقىلى قازاقستان نەگە قول جەتكىزەدى؟ رەسەيدىڭ ەڭ جاقىن ءارى سەنىمدى وداقتاسى بولىپ سانالاتىن قازاقستاننىڭ ودان ءارى تابىستى دامۋىنا نە كەپىل بولا الادى؟ رەسەيلىك ساراپشىلار وسى جانە وزگە دە ماسەلەلەردى تالقىعا سالدى.
«قازاقستان ماسەلەلەرىنىڭ رەسەيلىك جوعارى عىلىمي قوعامداستىق تاراپىنان تالقىلانۋى تەك تەوريادا عانا ەمەس، ءىس جۇزىندە دە پايدالى بولارىنا سەنىمدىمىن»، - دەدى م. ءتاجين.