11:15, 18 - ءساۋىر 2015 | GMT +5
عالىمدار: سارىمساق ميدى اۋرۋلاردان قورعايدى
استانا. قازاقپارات - ا ق ش- تاعى ميسسۋري ۋنيۆەرسيتەتىنىڭ عالىمدارى سارىمساق قۇرامىنداعى ءنارلى زاتتار ميدى اۋرۋلاردان قورعاي الاتىنىن انىقتادى. مامانداردىڭ ايتۋىنشا، سارىمساق جاس ەرەكشەلىكتەرىنە قاراي ورىن الاتىن التسگەيمەر جانە پاركينسون اۋرۋلارى سياقتى نيەۆرولوگيالىق اۋرۋلاردىڭ الدىن الادى.
قۇرامىندا كۇكىرت بار سارىمساق قابىنۋعا قارسى قورعانىس قاسيەتى بارلىعىمەن بەلگىلى، دەپ حابارلادى Kedem.
زەرتتەۋشىلەر سارىمساق قۇرامىنداعى FruArg اتالاتىن زات ميدى قورعاۋدا ماڭىزدى رولگە يە ەكەنىن انىقتادى. ول قورشاعان ورتانىڭ تەرىس اسەرلەرىنەن جاسۋشالاردىڭ زاقىمدانۋىنىڭ الدىن الادى.
FruArg انتيوكسيدانتتىڭ ارقاسىندا ول ميدى قورعاپ قانا قويماي، ەمدەيدى، - دەيدى عالىمدار.
