اسكەريلەر ساربازدارعا ارنالعان بوتقانى دايىنداۋدان شەبەرلىك ساعاتىن وتكىزدى - فوتو

استانا. قازاقپارات - تاجىريبەسى مول اسكەري اسپازدار العاش رەت سولدات بوتقاسىن دايىنداۋ بويىنشا شەبەرلىك ساعاتىن وتكىزدى.

ولار دالاداعى «اس ۇيدە» بوتقانىڭ ءۇش ءتۇرىن ازىرلەپ، جيىلعاندارعا ۇسىندى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.

لاگەردە بارلىق ىستىق تاماق جىلجىمالى دالاداعى «اس ۇيدە» دايىندالادى. ءار اس ءۇي اۆتونومدى جانە 125 ادامدى تاماقتاندىرادى. ءتۇرلى بولىمدەردە ءبىر ۋاقىتتا تاعام ازىرلەنەدى، شايعا ارنالعان سۋ قايناتىلىپ جاتادى جانە ت. ب. جەكە قۇرامنىڭ وزگە جەرگە كوشۋى كەزىندە بۇل «اس ءۇيى» تەحنيكاعا تىركەلەدى. ءجۇرىپ بارا جاتقاندا دا وندا اس دايىنداۋعا بولادى.

شەبەرلىك ساعاتىنان كەيىن شارا قوناقتارى، سونىڭ ىشىندە ۇ و س ارداگەرلەرى مەن تىل ەڭبەككەرلەرى، پالاتالىق لاگەردى ارالادى.

مۇندا شامامەن ءتورت مىڭ ادام تۇرادى. بۇل ۇ و س جەڭىستىڭ 70 جىلدىعىنا ارنالعان شەرۋگە قاتىسۋ ءۇشىن ايماقتاردان استاناعا كەلگەن ق ر ق ك بارلىق اسكەرلەرىنىڭ اسكەري قىزمەتكەرلەرى، قازاقستاننىڭ جوعارى جانە ورتا كاسىبي اسكەري وقۋ ورىندارىندا وقيتىندار.