فرانسياداعى ۇشاق اپاتىنان كەيىن ۇشقىشتارعا ۇيلەنۋگە كەڭەس بەردى

استانا. قازاقپارات - Turkish Airlines اۋە كومپانياسىنىڭ باس ديرەكتورى تەمەل كوتيل كومپانيادا جۇمىس ىستەيتىن بويداق ۇشقىشتاردى وتباسىن قۇرۋعا شاقىردى. كوتيلدىڭ پىكىرىنشە، بۇل اۋە اپاتتارىنىڭ ورىن الۋ مۇمكىندىگىن ازايتادى.

ول مۇنداي مالىمدەمەنى جۋىردا فرانسيادا Germanwings ۇشاعىنىڭ اپاتقا ۇشىراۋىنا بايلانىستى جاسادى، دەپ حابارلايدى شەتەلدىك ب ا ق.

«قايعىلى وقيعا ۇشقىشتىڭ قىزى ونى تاستاپ كەتكەن سوڭ ورىن الدى. سوندىقتان ءبىز بويداق ۇشقىشتارعا ۇيلەنۋگە كەڭەس بەرەمىز»، - دەدى Turkish Airlines باس ديرەكتورى.

ەستەرىڭىزگە سالا كەتەيىك، گەرمانيالىق Germanwings اۋە كومپانياسىنىڭ جولاۋشىلار ۇشاعى 24- ناۋرىزدا فرانسيانىڭ وڭتۇستىگىندە اپاتقا ۇشىراعان. ۇشاق بورتىندا 144 جولاۋشى مەن التى ەكيپاج مۇشەسى بولعان. ولاردىڭ بارلىعى قازا تاپتى.

تەرگەۋ نۇسقاسى بويىنشا، ەكىنشى ۇشقىش اندرەاس لۋبيتس ۇشاقتى ادەيى تاۋعا باعىتتاپ، اپاتقا ۇشىراتقان.