08:50, 18 - ءساۋىر 2015 | GMT +5
قازاق ازاماتىنىڭ يدەياسىمەن تۇسىرىلگەن فيلم ا ق ش- تا رەكورد ورناتۋدا
استانا. قازاقپارات - 17- ءساۋىر كۇنى ا ق ش- تا پروكاتقا شىققان رەجيسسەر لەو گابريادزە مەن پروديۋسەر تيمۋر بەكمامبەتوۆتىڭ «Unfriended» («دوستار قاتارىنان شىعارۋ» - «ۋبرات يز درۋزەي») فيلمى تەك تۇنگى سەانستاردىڭ وزىندە-اق $600 مىڭنان ارتىق قاراجات جينادى، دەپ حابارلايدى رەن ت ۆ.
«Unfriended» ۇرەي فيلمى ا ق ش- تا 2,7 مىڭ ەكراننان كورسەتىلەدى.
ساراپشىلاردىڭ پىكىرىنشە، بۇل فيلم ا ق ش- تاعى پروكاتىنىڭ وزىنەن $12 ميلليون جينايدى.
«فيلم يدەياسىنىڭ اۆتورى - تيمۋر بەكمامبەتوۆ. عالامتور قازىرگى تاڭدا ادامداردىڭ ءبىر-بىرىمەن قارىم-قاتىناس جاساۋىنىڭ باستى قۇرالدارىنىڭ ءبىرى بولىپ وتىر. ال قارىم-قاتىناس بار جەردە دراما بار. كينو تۇسىرۋشىلەر سول درامانى كورەرمەنگە جەتكىزۋلەرى كەرەك»، - دەيدى كارتينا رەجيسسەرى لەو گابريادزە.
