ماڭعىستاۋدا قازاقستاندا بالاماسى جوق جاڭا عيمارات اشىلدى - فوتو
«بۇل ۇلتتىق كولىكتىك كومپانيا تاياۋ جانە الىس شەتەل نارىعىنا قازاقستاندىق مۇناي مەن مۇناي ونىمدەرىن تاسىمالداۋمەن اينالىسادى. كومپانيا كەمەلەرى كاسپي، جەرورتا جانە قارا تەڭىزدەردە جۇمىس ىستەيدى، ولاردىڭ سانى ارتۋ ۇستىندە. قىسقا ۋاقىتتا ول مۇنداي جۇكتەردى تاسىمالداۋ سالاسىندا كوشباسشىعا اينالدى.
ءبىز وڭىردە كولىك-لوگيستيكالىق ورتالىق قۇرۋ بويىنشا جوباداعى زۆەنونىڭ ءبىرى بولىپ تابىلاتىن بۇل كومپانيانىڭ جۇمىسىنا ەرەكشە ءمان بەرەمىز. كومپانيانىڭ جەكە عيماراتى پايدا بولعانى ءۇشىن قۋانىشتىمىز، بۇل ايتۋلى وقيعا دەسە دە بولادى. ول ءارى قاراي دا تابىستى ەڭبەگىن جالعاستىرادى دەگەن سەنىمدەمىز»، - دەدى ا. ايداربايەۆ.
قازىرگى ساتكە دەيىن ۇلتتىق كومپانيانىڭ دا، ەنشىلەس ۇيىمدارىندا دا ونىڭ ءوز جەكە عيماراتى بولعان جوق. جاڭا عيمارات سالۋ يدەياسى «قاز مورترانس فلوت» ۇسىنىسىمەن ماقۇلداندى.
عيمارات قۇرىلىسى 2013-جىلى سالىنا باستادى. اعىمداعى جىلى ناۋرىزدا اياقتالدى. عيماراتتا «قاز مورترانس فلوت» كومپانياسىنان باسقا «م ن ك «قاز مۇناي تەڭىز» ج ش س، «قاز ترانس گاز ايماق» ا ق، «اقتاۋ ا و «ينتەرگاز ورتالىق ازيا» ا ق» سىندى ءبىرقاتار كومپانيالار قونىس تەپكەن.
بيىك عيماراتتا 4 پانورامدى جىلدامدىقپەن ليفت جۇمىس ىستەيدى. كەڭسە ءۇي-جايىنىڭ الاڭى - 12 مىڭ شارشى مەتر، وندا 550 دەن استام ادام جۇمىس ىستەي الادى. تومەندە 70 كولىك سىياتىن پاركينگ بار. بارلىق كومپانيالاردىڭ قولايلى جۇمىس جاساۋىنا جاعدايلار جاسالعان.
كومپانيا قىزمەتكەرلەرىنىڭ سانى بۇگىندە 270 تەن اسادى: ولاردىڭ 70- اكىمشىلىك قىزمەتكەرلەر، 200 دەن استامى - قازىر تەڭىزدە جۇرگەن كەمە ەكيپاجدارى.
كومپانيا فلوتى 12 مىڭ توننا سىيىمدىلىعى بار 6 تانكەردەن تۇرادى. سونداي-اق ونىڭ 3300 توننا جۇك كوتەرەتىن 5 بۋكسيرى مەن بارجاسى بار. قاجەتتىلىككە قاراي جالعا الىنعان فلوت تارتىلادى: سەرۆيستىك كەمە، شاعىن تانكەرلەر جانە ت. ب. بار.
