ون سەگىز جاستاعى ماناپ اۋباكىروۆتىڭ ەرلىگى
«قازاقپارات» ح ا ا وقىرماندار نازارىنا سول سۇراپىل جىلداردىڭ وقيعالار جىلناماسىن ۇسىنادى.
1945-جىلى 17- ساۋىردە كەنيگسبەرگتىڭ باتىس قالالارىنداعى زەملانديا تۇبەگىندە ءبىزدىڭ اسكەر شابۋىلدى جالعاستىرىپ جاتتى. كەسكىلەسكەن ايقاس پيللاۋ پورتىنا جاقىن ورنالاسقان نەمىستىڭ ماڭىزدى قورعانىس پۋنكتى - فيشحاۋزەن قالاسى ءۇشىن ءجۇردى.
كەڭەس تانكىلەرى مەن جاياۋ اسكەرى سولتۇستىكتەن باسىپ كىرىپ فيشحاۋزەننىڭ سىرتقى قورعانىس بولىگىنىڭ بەكىنىسىن بۇزىپ ءوتتى. قورعانىس ءبولىمى قالادان ەكى-بەس شاقىرىم ارالىقتا بولدى. جول بويىنا بىرنەشە وكوپ جەلىلەرى، كوپتەگەن دوتتار مەن دزوتتار ورناتىلعان. ءبىزدىڭ اۆياتسيانىڭ جاۋدىرتقان قۋاتتى سوققىلارى مەن ارتيللەريالىق اتىستىڭ ارقاسىندا جاۋ قورعانىسى تاس-تالقان بولدى. تۇندە كەڭەس تانكىلەرى مەن جاياۋ اسكەر بولىمشەلەرى فيشحاۋزەن كوشەلەرىنە باسىپ كىردى. ءبىزدىڭ اسكەر ەكپىندى سوققىلارمەن قارسىلاستىڭ كوپتەگەن گورنيزونىن جويىپ، فيشحاۋزەن قالاسىن يەلەندى. وسىلايشا، نەمىستەردىڭ ەنشىسىندە زەملانديا تۇبەگىنىڭ وڭتۇستىك-باتىس بولىگى عانا قالدى.
اۆستريادا 2- ۋكرايندىق مايدان اسكەرى سيستەرودورف قالاسىنىڭ مۇنايلى اۋدانىنىڭ ورتالىعىن باسىپ الدى. بۇل اۋماقتى قولدان بەرمەۋگە تىرىسقان نەمىستەر تانكتەر مەن جاياۋ اسكەرىنىڭ اۋقىمدى كۇشىن جۇمىلدىردى. بەرىسپەي قارسىلاسىپ باقتى.
جاۋدى ىعىستىرعان ءبىزدىڭ اسكەر بىرتىندەپ قالانى ءۇش جاقتان قورشاۋعا الدى. ءسويتىپ كەڭەس ءبولىمى ەكپىندى تويتارىسپەن تسيستەرسدورف قالاسىن يەلەندى. قالا ءۇشىن ايقاستا قارسىلاستىڭ ەكى مىڭنان استام ساربازدارى مەن وفيتسەرلەرى وققا ۇشتى.
باسقا 30 دان استام ەلدى مەكەندەر باسىپ الىندى، اتاپ ايتقاندا: پالتەرندورف، ماۋسترەنك، كەتتلاس-برۋن، پااسدورف، حەبەرسبرۋن، ۆولفپاسسينگ، حاۋتتسەندورف جانە دوبەرماننسدورف، گەستينگ، پااسدورف تەمىر جول ستانسالارى.
وسى كۇنى 3- ۋكرايندىق مايدان اسكەرى سانكت-پەلتەننىڭ سولتۇستىك جانە باتىس قالالارىندا ايقاسا ءجۇرىپ، ونى دا باسىپ الدى، ولاردىڭ ىشىندە مىنا ەلدى مەكەندەر دە بار: وبەر- ۆەلبلينگ، ا م- ب ا ح، حاۋزگەيم، وبريتسبەرگ، ۆايتتسەندورف، گەرەرسدورف، حافينگ...
چەحوسلاۆاكيا اۋماعىندا گودونيننىڭ سولتۇستىك باستىس قالالارىندا اسكەر ايقاسپەن العا جىلجىپ وتىردى، جول بويى مىنا ەلدى مەكەندەر باسىپ الىندى: كرجەپيتسە، كرۋم-ۆير، شيتبوريتسە، گۋستوپەچە، ستاروۆيتسە، پوپيتسە، ۆرانوۆيتسە.
موراۆ- وستراۆ شابۋىل وپەراتسيا جالعاسۋدا. 4- ۋكرايندىق مايداننىڭ 38- اسكەرى جانە 60- اسكەرى وپاۆانى باسىپ ءوتىپ، مايدان بويىنشا 5 شاقىرىمعا دەيىن ستيتيننەن سولتۇستىككە قاراي پلاتسدارمدى باسىپ الدى. ونى كەڭەيتۋگە چەحوسلاۆاكيا مەن گەرمانيا اراسىنداعى بۇرىنعى شەكارا ماڭىنداعى تاۋ بويىنشا وتەتىن ۇزاق ۋاقىتتىق بەكىنىس كەدەرگى كەلتىردى...
بەرليندىك شابۋىل وپەراتسياسى. ءبىرىنشى قاپتالدا 1- بەلارۋس مايدانى اسكەرىنىڭ 61- اسكەرى ودەردى باسىپ ءوتتى. 47- اسكەر جاۋدىڭ ەكىنشى قورعانىس جولاعىنا جەتتى. 3- سوققى اسكەرى 8 شاقىرىمعا العا جىلجىدى دا، ەكىنشى بەكىنىس جولاعىنا باسىپ كىردى.
ورتالىقتا 5- اسكەر جانە 2- گۆارديالىق تانك اسكەرى شابۋىل مايدانىندا التە ودەر وزەنىنىڭ شەكاراسىنان كەسىپ ءوتىپ، زەەلوۆ شىڭىنىڭ ەتەگىنە جەتتى. 8- گۆارديالىق اسكەر 1- گۆارديالىق تانك اسكەرىمەن بىرلەسىپ كۇنى بويى اۋىر ايقاس وتكىزدى. ساعات 15.00 شاماسىندا 8- گۆارديالىق اسكەر زەەليەۆتى قورشاپ، ونى باسىپ الدى.
سولتۇستىك قاپتالدا 69- اسكەر 1-2 شاقىرىمعا العا جىلجىدى. 33 اسكەر ودەر-شپرەە ارناسىن كەسىپ ءوتتى.
ءتۇس اۋا 1- ۋكرايندىق مايداننىڭ پۋحوۆ 1- اسكەرىنىڭ ۋچاسكەسىندە جانە جادوۆ 5- گۆارديالىق اسكەردىڭ ءبىرىنشى قاپتالىندا شىعىس كوتبۋس - ۆەيسۆاسسەر - نيسكي شەكاراسى بويىنشا وتەتىن نەمىستەر قورعانىسىنىڭ ەكىنشى جولاعىن قيراتتى. كەڭەس اسكەرى قورعانىستىڭ ءۇشىنشى جولاعى شپرەەگە قاراي بەلسەندىلىكپەن ۇمتىلىپ، كەشكە تامان وزەندى كەسىپ ءوتتى.
1945-جىلعى 17- ساۋىردە 375- جەكە جويعىش-تانكىگە قارسى ديۆيزوننىڭ زەڭبىرەكشىلەر ءبولىمىنىڭ كومانديرى (كەيىننەن داڭق وردەنىن يەلەنگەن) 18 جاستاعى ماناپ اۋباكىروۆ كەزەكتى ەرلىك جاسادى.
1945-جىلى 17- ساۋىردە زەڭبىرەكشىلەر توبىنىڭ كومانديرى اعا سەرجانت اۋباكىروۆ لەبۋس (گەرمانيا) قالاسى ءۇشىن ايقاستا جاۋ تانكىلەرى مەن جاياۋ اسكەرىن ءدال كوزدەۋ ءۇشىن زەڭبىرەكتى تىكەلەي نىساناعا باعىتتادى. ونىڭ توبى زەڭبىرەكتى قيراتىپ، 4 پۋلەمەتتى، 15 جاۋ ساربازدارى مەن فريتسەرلەردى جويىپ، باقىلاۋ پۋنكتىن كۇل-تالقان ەتتى. ۇرىس بارىسىندا ول اۋىر جاراقاتتانعانىنا قاراماستان، توپتى باسقارۋىن جالعاستىرا بەردى. 1945-جىلى 19- ساۋىردە الىنعان جاراقاتى سالدارىنان جان تاپسىردى.
1946-جىلى 15- مامىردا نەمىس-فاشيستىك باسقىنشىلارمەن ايقاستا ەرەكشە ەرلىك كورسەتكەن باتىرلىعى ءۇشىن س س ر و جوعارعى كەڭەسى پرەزيديۋمىنىڭ جارلىعىمەن اعا سەرجانت اۋباكىروۆ ماناپ اۋباكىر ۇلى قازا تاپقاننان كەيىن 1- دارەجەلى داڭق وردەنىمەن ماراپاتتالدى. ول فرانكفۋرت-نا- ودەرە قالاسى ماڭىندا جەرلەنگەن...
1945-جىلى 17- ساۋىردە ي. ۆ. ستالين گ. ك. جۋكوۆتىڭ 1- بەلارۋس مايدانىنىڭ اسكەرىنىڭ باياۋ ارەكەتىنە بايلانىستى ي. س. كونيەۆكە 1- ۋكرايندىق مايدان اسكەرىنىڭ 3- جانە 4- گۆارديالىق تانك اسكەرىن وڭتۇستىكتەن بەرلينگە بۇرۋعا بۇيرىق بەردى...
جەڭىسكە دەيىن 22 كۇن قالدى.
