قازاقستاننىڭ رەسەيگە جالعا بەرگەن جەر تەلىمدەرى حالىق شارۋاشىلىعى يگىلىگىنە قايتارىلدى
بۇل تۋرالى قورعانىس مينيسترلىگىنىڭ سايتىندا حابارلانعان.
«قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ تاپسىرماسىمەن رەسەيگە جالعا بەرىلگەن اسكەري سىناق پوليگوندارى وتكىزىلەتىن جەرلەردىڭ ءبىر بولىگىن قايتارۋ تۋرالى كەلىسىم-شارت ازىرلەندى.
سونىمەن قاتار اتالعان نىسانداردى جالعا الۋ جانە پايدالانۋ ءتارتىبى تۋرالى قازاقستان رەسپۋبليكاسى مەن رەسەي فەدەراتسياسى اراسىنداعى كەلىسىم-شارتقا وزگەرتۋلەر مەن تولىقتىرۋلار ەنگىزىلدى. وسىعان وراي، پوليگونداردىڭ كوورديناتتارى وزگەرتىلىپ، ول ءوز كەزەگىندە پوليگون اۋماعىنىڭ قىسقارۋىنا نەگىز بولدى»، دەلىنگەن حابارلامادا.
بۇل شەشىم قازاقستان رەسپۋبليكاسىنىڭ ەكونوميكالىق مۇددەلەرىنە بايلانىستى قابىلداندى. وسىلايشا، «تايسويعان»، «جامانتاۋ» جانە «سارىشاعان» جەر تەلىمدەرى حالىق شارۋاشىلىعى يگىلىگىنە قايتارىلدى، ولار ەندى مۇناي-گاز سەكتورىنا، تۇرعىن ءۇي قۇرىلىسىنا، تەمىر جانە كولىك جولدارىن سالۋعا جانە باسقا قاجەتتىلىكتەرگە پايدالانىلاتىن بولادى.
