قازاقستان مەن تۇركيا ءدىني سالاداعى ءوزارا ىنتىماقتاستىقتى ودان ءارى دامىتۋعا مۇددەلى

استانا. قازاقپارات - بۇگىن قازاقستان رەسپۋبليكاسى مادەنيەت جانە سپورت ۆيتسە-ءمينيسترى مارات ءازىلحانوۆ تۇركيا رەسپۋبليكاسىنىڭ ءدىن ىستەرى باسقارماسىنىڭ ءتوراعاسى، پروفەسسور مەحمەت گورمەزبەن كەزدەسۋ وتكىزدى.

مەحمەت گورمەز قازاقستانعا تۇركيا رەسپۋبليكاسىنىڭ پرەزيدەنتى رەجەپ تايىپ ەردوعان رەسمي دەلەگاتسياسىنىڭ قۇرامىندا كەلگەن بولاتىن.

تاراپتار كەزدەسۋ بارىسىندا ءدىن سالاسىنداعى جۇمىستار تۋرالى پىكىر الماسىپ، وسى سالاداعى ءوزارا ىنتىماقتاستىقتى ودان ءارى دامىتۋعا مۇددەلى ەكەندەرىن جەتكىزدى.

كەزدەسۋ قورىتىندىسىندا ەكى ەل اراسىنداعى دوستىق قارىم-قاتىناستاردى تەرەڭدەتە تۇسۋگە نيەتتەستىك ءبىلدىرىلدى.