قازاقستان مەن بەلارۋس ءوزارا قارىم-قاتىناستارىن تەرەڭدەتۋدىڭ جاڭا جولدارىن ىزدەستىرمەك
بۇل تۋرالى بەلارۋستەگى قازاقستاننىڭ توتەنشە جانە وكىلەتتى ەلشىسى ەرعالي بولەگەنوۆ پەن بەلارۋس ەلىنىڭ وكىلدەر پالاتاسىنىڭ ءتوراعاسى ۆلاديمير اندرەيچەنكونىڭ كەزدەسۋى بارىسىندا ءمالىم بولدى، دەپ حابارلايدى بەلتا.
«ءبىزدىڭ قارىم-قاتىناستارىمىز بەلسەندى تۇردە دامۋدا. دەسەك تە، بەلارۋس تە، قازاقستان دا دوستىققا، ءوزارا تۇسىنىستىك پەن سەنىمگە نەگىزدەلگەن ءوزارا قارىم-قاتىناستارىن تەرەڭدەتىپ، ونىڭ اياسىن بارىنشا كەڭەيتۋ ءۇشىن جاڭا مۇمكىندىكتەردى ىزدەستىرۋگە نيەتتى»، - دەدى ۆلاديمير اندرەيچەنكو.
سونداي-اق ول قازاقستاندىق تاراپقا پارلامەنت ماجىلىسىنەن تۇسكەن شاقىرۋى ءۇشىن العىسىن ءبىلدىرىپ، ونى قابىل الىپ، بۇل ويىن ماۋسىم ايىندا جۇزەگە اسىرۋ نيەتى بار ەكەنىن ايتتى. بۇل ساپار بارىسىندا ىنتىماقتاستىق تۋرالى پارلامەنتارالىق كەلىسىمگە قول قويۋ كوزدەلىپ وتىر.
ايتا كەتەيىك، بەلارۋستىڭ بەسىنشى شاقىرىلىمىنداعى ۇلتتىق جينالىسىندا قازاقستان پارلامەنتىمەن ىنتىماقتاستىق بويىنشا جۇمىس توبى جۇمىس جاسايدى. ەكى ەلدىڭ پارلامەنتشىلەرى ت م د پ ا ا، ۇ ق ش ۇ پ ا، ە ق ى ۇ پ ا اياسىندا ىنتىماقتاسادى.
