ق ر پرەزيدەنتى حالىق ءۇشىن ءارقاشان دا اشىق ەكەنىن مالىمدەدى
بۇل تۋرالى ەلباسى استاناداعى قازاقستان- تۇركيا بيزنەس- فورۋمىنان كەيىن تىلشىلەر ساۋالىنا جاۋاپ بەرۋ كەزىندە مالىمدەدى.
«قازىرگى كەزدە بۇقارالىق اقپارات قۇرالدارى كابينەتتە ايتقان ءسوزدى ميلليونداعان ادامعا جەتكىزۋگە قاۋقارلى. سوندىقتان مۇنداي كونفەرەنتسيالاردى وتكىزۋدىڭ قاجەتتىگى بار دەپ ەسەپتەمەيمىن»، - دەدى مەملەكەت باسشىسى.
ەلباسى سونىمەن قاتار، ءار ەلدە وزىندىك ءداستۇر بار ەكەنىن جانە ولار وسىنداي ترانسلياتسيالاردى وتكىزۋ تۋرالى شەشىم شىعارۋعا وزدەرى قۇقىلى ەكەنىن اتاپ ءوتتى.
ن. نازاربايەۆ ءوز سوزىندە ءارقاشان دا حالىق ءۇشىن اشىق ەكەنىن، سونداي-اق قازاقستاندىقتارمەن اشىق اڭگىمە تۇرعىسىندا بىرنەشە رەت بايلانىسقا شىققاندىعىن ەسكە سالىپ ءوتتى.
«مەن دە ينتەرنەت جەلىسى ارقىلى اشىق تۇردە وسىنداي شارالاردى وتكىزگەنمىن»، - دەدى پرەزيدەنتى.
ەستەرىڭىزگە سالا كەتەيىك، بۇگىن ر ف پرەزيدەنتى ۆلاديمير پۋتين ءداستۇرلى «تىكەلەي جەلىنى» وتكىزىپ، ونىڭ بارىسىندا رەسەيلىكتەردىڭ سۇراقتارىنا جاۋاپ بەردى.
اۆتور: رۋسلان عابباسوۆ
