00:03, 17 - ءساۋىر 2015 | GMT +5
تۇركيا پرەزيدەنتى ءوزى ەلىنە ساياحاتتايتىن قازاقستاندىق تۋريستەردىڭ سانىن اتادى
استانا. قازاقپارات - بۇگىن قازاقستان- تۇركيا بيزنەس فورۋمىندا ءسوز العان تۇركيا پرەزيدەنتى رەدجەپ ەردوعان ءوزى ەلىنە ساياحاتتايتىن قازاقستاندىق تۋريستەردىڭ سانىن اتادى.
«قازاقستان ازاماتتارى دەمالۋعا شەت ەلگە ساپارلاعان كەزدە ەڭ ءبىرىنشى كەزەكتە ءبىزدىڭ ەلىمىزدى تاڭدايدى. بۇل بىزدەر ءۇشىن زور قۋانىش. وتكەن جىلى ەلىمىزگە كەلىپ، دەمالعان قازاق تۋريستەرىنىڭ سانى 440 مىڭ ادامعا جەتتى»، - دەدى تۇركيا پرەزيدەنتى.
ر. ەردوعاننىڭ اتاپ وتۋىنشە، تۇركيا الەمنىڭ كوپتەگەن ەلدەرىنەن كەلەتىن تۋريستەر ءۇشىن جايلى مەكەنگە اينالىپ وتىر. ماسەلەن، وتكەن جىلى بۇل ەلگە الەمنىڭ تۇپكىر- تۇپكىرىنەن شامامەن 37 ميلليون تۋريست كەلگەن.
