شىمكەنتتە مەكتەپكە قارۋ الىپ كەلگەن وقۋشىلار ۇستالدى

استانا. قازاقپارات - شىمكەنتتە جاسوسپىرىمدەر ساباققا قارۋ اسىنىپ كەلەتىن بولعان.

شىمكەنت قالالىق ىشكى ىستەر باسقاراماسىنىڭ ينسپەكتورلارى №39 مەكتەپتىڭ 9 -سىنىپ وقۋشىسىن تاپانشا الىپ جۇرگەن جەرىنەن ۇستاپ الدى، دەپ حابارلايدى وتىرار ارناسى.

قازىرگى تاڭدا جاسوسپىرىمنەن تاركىلەنگەن تاپانشاعا سوت-بالليستيكالىق ساراپتاما تاعايىندالدى. تەرگەۋشىلەر قارۋدىڭ قايدان شىققانىن انىقتاۋعا كىرىستى.

وسى رەيد بارىسىندا №2 -مەكتەپتىڭ وقۋشىسى دا قولعا ءتۇستى. ول پىشاق الىپ، ساباققا بارۋدى ادەتكە اينالدىرعان. ەندى بالالارىنىڭ سۋىق قارۋ الىپ جۇرگەنى ءۇشىن، اتا-انالارى جاۋاپقا تارتىلادى.

ايتا كەتۋ كەرەك، شىمكەنتتە جاسوسپىرىمدەردىڭ سۋىق قارۋ ۇستاپ ءجۇرۋى جيىلەپ كەتكەن. جاقىندا عانا تاپانشا الىپ جۇرگەن ەكى جەتكىنشەك ۇستالعان ەدى.

BNews.kz