وزبەكستاندا جاسى جۇزدەن اسقان قاريالاردىڭ زەينەتاقىسى وسەتىن بولدى

استانا. قازاقپارات-  وزبەكستاندا جاسى جۇزدەن اسقان قاريالاردىڭ زەينەتاقىسى وسەتىن بولدى. ەل پرەزيدەنتى يسلام كاريموۆ ءتيىستى بۇيرىققا قول قويدى.

 مامىر ايىنان باستاپ كورشى ەلدەگى ۇزاق جاساۋشى تۇرعىنداردىڭ زەينەتاقىسىنا ەڭ تومەنگى ايلىق جالاقى كولەمىندە ۇستەمە قوسىلادى. ول 118,4 مىڭ سۋم. ءبىزدىڭ اقشاعا شاققاندا شامامەن 8,500 تەڭگە. وزبەكستانداعى ەڭ تومەنگى زەينەتاقى 231 مىڭ سۋمدى قۇرايدى. اي سايىن تولەنەتىن ۇستەماقى بيۋدجەت قاراجاتىنان تىس، قارجى مينيسترلىگىنە قاراستى زەينەتاقى قورىنان بولىنبەك.

 دەنساۋلىق ساقتاۋ مينيسترلىگىنىڭ مالىمەتىنشە، بۇگىنگى تاڭدا وزبەكستاندا جاسى جۇزدەن اسقان 8 مىڭ 700 دەي قارت تۇرعىن بار.