ا ق ش- تىڭ قاۋىپسىزدىك قىزمەتىن شوشىتقان تىكۇشاق
USA Today حابارلاعانداي، 1 كىسىلىك شاعىن تىكۇشاقتىڭ توبەدەن توپ ەتىپ تۇسە قالۋى ، بۇكىل قاۋىپسىزدىك قىزمەتىن اياعىنان تىك تۇرعىزدى.
تىزگىندەگى ۇشقىشقا دەرەۋ كىسەن سالىنىپ، ۇشۋ اپپاراتى تىنتۋگە الىندى. بەلگىلى بولعانداي، تىكۇشاقتى باسقارعان 61 جاستاعى داگ حيۋز فلوريدادان ا ق ش استاناسىنا ارنايى بۇيىمتايمەن جول تارتقان كورىنەدى.
ءوزىن پوشتا قىزمەتكەرى رەتىندە تانىستىرعان ول كونگرەستىڭ تۇگەل مۇشەسىنە ارناپ 535 حات الا كەلىپتى. ونداعى ماقساتى - وتكەن جاڭا شاقىرىلىمداعى حالىق قالاۋلىلارىنىڭ نازارىنا سايلاۋ ناۋقانىنا بولىنگەن قارجىنى جىمقىرۋ ارەكەتتەرىنە قاتىستى جايتتاردى جەتكىزۋ. كۇدىكتى سونداي - اق تىكۇشاعىنىڭ ارتقى بولىگىنە ۇلتتىق پوشتا قىزمەتىنىڭ رەسمي بەلگىسىن جابىستىرىپ الىپتى.
سالماعى 1 سەنتنەردەن اساتىن شاعىن موتورلى مۇنداي تىكۇشاقتار كوبىنەسە « گيروكوپتەر » دەپ اتالادى. كونگرەستىڭ قاۋىپسىزدىك قىزمەتى مەن پوليتسيا ونىڭ كوزگە ىلىنبەي قالايشا كاپيتولي الدىنان شىعا كەلگەنىن تۇسىنبەي ، تاڭ قالۋدا. سەبەبى كاپيتوليي ورنالاسقان اۋماققا ەشقانداي ۇشۋ كولىگى جىبەرىلمەيدى.
