سيرياداعى قارۋلى قاقتىعىسقا قاتىسپاقشى بولعان قازاقستاندىق ازاماتتارعا قاتىستى سوت ۇكىمى شىقتى

ورال. قازاقپارات - باتىس قازاقستان وبلىسىنىڭ دامير، ەر- قوساي جانە داۋرەن ەسىمدى تۇرعىندارى راديكالدى ءدىني كوزقاراستى ۇستانىپ، «يسلام مەملەكەتى» توبى مۇشەلەرىنە قوسىلىپ، سيريا، يران ايماعىنا بارماقشى ءارى سيريا مەن يراك ۇكىمەتىنىڭ قۇرىلىمدارىنا قارسى قارۋلى قاقتىعىستارعا قاتىسپاقشى بولعان.

ب ق و  پروكۋراتۋراسىنىڭ باسپا ءسوز قىزمەتىنەن تۇسكەن مالىمەتكە قاراعاندا، كوزدەگەن ماقساتتارىنا جەتۋ ءۇشىن اتالعان تۇرعىندار جيھادقا شاقىراتىن ءدىني ادەبيەتتى وقىپ، موبيلدى دەتوناتوردى پايدالانۋ جونىندەگى كومەكشى قۇرالدى مەڭگەرگەن، سونداي- اق سيريادا سودىرلىق ارەكەتكە قاتىسقان وبلىس تۇرعىندارىمەن بايلانىس ۇستاپ، ولارمەن ۇرىسقا دايىندىق جانە تەز جەتۋ مۇمكىندىكتەرىن تالقىلاعان.

وتكەن جىلعى 11 - قاراشادا دامير، ەر- قوساي، داۋرەن وتكىزۋ بەكەتىنەن تىس جەردەن قازاقستان شەكاراسىن تۇنگى ۋاقىتتا زاڭسىز كەسىپ وتكەننەن كەيىن شەكاراشىلاردىڭ قولىنا ءتۇستى. ءسويتىپ ولار وزدەرىنىڭ قىلمىستىق ويلارىن جۇزەگە اسىرا المادى.

ورال قالالىق سوتىنىڭ ۇكىمىمەن اتالعان ۇشەۋ ق ر  ق ك 24- بابىنىڭ 1- ءبولىمى، 172- بابى جانە 392- بابىنىڭ 1- ءبولىمى بويىنشا ايىپتى دەپ تانىلىپ، ءارقايسىسى 3 جىل 6 ايعا جازاسىن جالپى تارتىپتەگى تۇزەۋ مەكەمەسىندە وتەۋگە سوتتالدى.

سوت ۇكىمى زاڭدى كۇشىنە ەنگەن جوق.

اۆتور: ەلجان ەرالى