استانادا سۋ تاسقىنىنا قارسى شارالار وتكىزىلىپ جاتىر

استانا. قازاقپارات - استانادا سۋ تاسقىنىنا قارسى شارالار وتكىزىلۋدە، دەپ حابارلايدى ەلوردا اكىمدىگىنىڭ رەسمي سايتى.

 كۇن رايىنىڭ كۇرت جىلىنۋىنا بايلانىستى ەسىل مەن نۇرا وزەندەرىندە سۋ دەڭگەيى كوتەرىلدى. 15 - ساۋىردەگى جاعداي بويىنشا استانا سۋ قويماسىنداعى سۋدىڭ ناقتى كولەمى 393,16 ميلليون. м3 قۇرادى. سوڭعى تاۋلىكتەردەگى تومەندەۋ دەڭگەيى 49 ميلليون м3.

استانا قالاسىنىڭ قورعانىس بوگەتىنىڭ سۋ كولەمى بۇگىنگى تاڭدا 23 ميلليون. м3 قۇرادى.

استانا قالاسى ت ج د تۇرعىندار اراسىندا ب ا ق وكىلدەرىن تارتۋ ارقىلى تۇسىندىرمە جۇمىستارىن وتكىزۋدە. ەسكەرتپە قاعازدارىن تاراتۋ ارقىلى اۋلالاردى ارالاۋ شاراسى وتكىزىلدى.

سۋ تاسقىنى جاعدايىنا ارنايى كۇشتەر قۇرىلىمى مەن قاجەتتى ماتەريالدار دايارلاندى: بارلىعى جەكە قۇرامنىڭ 1096 قىزمەتكەرى، 612 دانا تەحنيكا (سونىڭ ىشىندە: استانا قالاسى ت ج د 120 ادام، 15 دانا تەحنيكا، 2 ءجۇزۋ قۇرالى، «استانا تازالىق» ج ش س 547 ادام، 439 تەحنيكا، «استانا زەلەنستروي» ا ق 395 ادام، 97 تەحنيكا، ال «استانا سۋ ارناسى» مكك 98 ادام مەن 69 تەحنيكا جۇمىلدىرىلدى).

 يلينكا اۋىلىنداعى سۋ تاسقىنى جاعدايى باقىلانۋدا.

سۋ تاسقىنى بار ايماقتاردا سۋدى سورۋ ءۇشىن 3 ناسوس- تراكتورلەرى، 4 اۋىستىرمالى ناسوستار قولدانىلدى جانە تۇرعىندارعا ەسكەرتپە قاعازدارى تاراتىلدى.

نۇرا وزەنى بويىنشا. رومانوۆكا اۋماعىندا نۇرا وزەنىندەگى سۋ دەڭگەيى 3,2 م (بەلگىلەنگەن مولشەرى - 5م) قۇرايدى. قوسشى اۋىلىنداعى پريوبراجەنسك گيدروتۇيىنىندەگى سۋ دەڭگەيى 80 س م (بەلگىلەنگەن مولشەرى -   7 م) .

تاۋلىك بويى وزەندەردەگى سۋ دەڭگەيىنىڭ مونيتورينگى جۇرگىزىلۋدە، ەۆاكۋتسيالىق جاتتىعۋلار پىسىقتالدى، تۇرعىن الاپتاردا مەيلىنشە كوپ ينجەنەرلىك تەحنيكا شوعىرلانۋدا، قورعانىس دامبالارى ورناتىلۋدا.

قاۋىپتى جاعدايدى الدىن الۋ ءۇشىن قالانىڭ كوممۋنالدىق قىزمەتتەرىنىڭ، شارۋاشىلىق ورگاندارىنىڭ باقىلاۋ شەپتەرىندە تاۋلىك بويى باقىلاۋ جۇرگىزىلەدى.

اقمولا وبلىسى بويىنشا. اۋا رايىنىڭ كۇرت جىلىنۋى سالدارىنان قاراعاندى مەن اقمولا وبلىستارىندا سۋ تاسقىنى ورىن الدى. نۇرا وزەنىندەگى سۋدىڭ كوبەيۋى سالدارىنان اقمولا وبلىسىنداعى يلينكا، ۇركەر، پريگورودنىي اۋىلدارىنىڭ، سونىمەن بىرگە، تايتوبە، تالاپكەر جانە قوسشى ەلدى مەكەندەرىن سۋ باسۋ قاۋپى تۋىنداعان بولاتىن.

اقمولا وبلىسىندا سۋ باسۋ قاۋپىنە بايلانىستى توتەنشە جاعداي جاريالاندى. سامارقاند جانە شەرۋباينۇرا سۋ قويمالارىنان سۋدىڭ كوپ جىبەرىلۋى سالدارىنان قاراعاندى وبلىسى نۇرا اۋدانىنداعى نۇرا وزەنىندە، سەلينوگراد اۋدانى مەن اقمولا وبىلىسىنىڭ قورعالجىن اۋداندارىندا سۋ دەڭگەيىنىڭ كوتەرىلۋى كۇتىلۋدە. 7 - ساۋىردەن باستاپ قازىرگى ۋاقىتقا دەيىن استانا قالاسى ت ج د قىزمەتكەرلەرى اقمولا وبلىسىنىڭ جاقىن ماڭداعى ەلدى مەكەندەرىنە جىبەرىلدى.